王浩信俾Like！陳自瑤廚藝了得冧爆老公
原文：Sunday Kiss
圖片：新傳媒資料庫、王浩信微博
王浩信 激讚老婆 廚藝了得
原來YoYo不單擁有美貌，對煮食更有一番研究。Vincent表示：「太太煮嘢食好叻，家政攞好高分，呢樣亦都係佢對我嚟講好大嘅吸引力。我最鍾意食卡邦尼意粉，我同佢去過一間酒店餐廳食，佢就可以煮返出嚟，個味仲要係一樣嘅！真係好厲害！Pancake、甜品、蛋糕佢都整好多，好有天份！」原來YoYo在煮嘢食方面很有天份！
工作以外，Vincent和太太相當甜蜜，其實每年Vincent和YoYo都會為對方慶祝生日。去年更跟各方好友一起慶祝和太太結婚4周年。
去年YoYo生日，Vincent更鬼馬地張貼2人的合照上微博，祝福道：「生日快樂，你又小一歲了！」
其實，佢哋未結婚前， 王浩信 都成日喺公開場合讚YoYo煮嘢好食！雖然Vincent以前烹調技術唔錯，但就笑說自己煮來煮去都係嗰幾款拿手菜式，而YoYo成日都試新菜，仲要煮得好好食，所以大部分時間都係YoYo下廚！
自從囡囡出世後，Vincent更變成Family man，把拍劇以外的時間留給家庭。他笑說囡囡好聰明，「依家啲小朋友真係好聰明，佢同我年代嘅小朋友好唔同，佢開始識氹我笑，成日照顧我，搭住我膊頭 話：『今晚睇你啲戲啦！』又會成日同啲同學仔講：『今晚有我爸B啲戲啊！』幫我做宣傳，好得意啊！」
囡囡QQ剛出世時，肥嘟嘟好得意！
QQ 2歲生日時，Vincent更張貼了幾張父母照，寫道Happy birthday my love! 而上年Vincent生日，曾表示收到囡囡的自製生日卡最sweet！
問Vincent係咪惡爸時，Vincent就話自己唔係，「可能對住個仔我會，但對住個女唔得，惡唔到幾多，搞唔掂！」
Vincent同YoYo都鍾意打羽毛球，閒時會互相切磋，有時更會帶埋囡囡QQ一齊玩，佢哋嘅家庭活動真係好健康！
獨樂樂不如眾樂樂，打羽毛球點可以自私打！Vincent不但預埋圈中好友一齊打波，仲有預囡囡參與其中，話睇下佢鍾唔鍾意啊！
Vincent 話想追個仔，湊個好字，他笑說：「不過湊仔很辛苦，但老婆品種優良，我會好好把握。」佢仲話鍾意多啲人喺屋企，有一個小朋友就要有時間教育佢，陪伴佢，呢 樣嘢同我工作有衝突，所以都要好好計劃。YoYo就希望小朋友之間年齡不要相隔太遠，不過生仔生女就要睇緣份啦。
