阿倫都讚好戲！王君馨、黃智賢 《是咁的》晒演技
編輯：東方新地 原文：Sunday Kiss 圖片：myTVsuper截圖、Instagram
王君馨 清官難審家庭事
好多人都話呢場戲係搵戲嚟做，兩公婆之間嘅事擺上庭，浪費政府資源！咁話實家陣又確係做緊戲。以戲劇效果嚟講，冇呢場戲，王君馨同黃智賢飾演呢兩公婆有咁多分歧，唔擺上庭，又點可以局佢哋要好好審視番自己嘅婚姻，究竟出咗咩問題！所以喺庭上君馨作供時，經常會講一啲「9唔搭8嘅嘢｣，其實呢啲並唔係供詞，而係佢對呢段婚姻嘅感觸！
「每一段關係嘅開始，總係好像花咁燦爛，而結尾總會令又唏噓，又無奈。」
成日話夫妻嘅感情會昇華，愛情都會變成感情，激情退卻，要為婚姻嘅保鮮期延長，係要靠兩個人嘅努力。
「我們之間咩都有，就係冇咗愛！」
其實好多夫妻都可能面對緊同樣嘅問題，君馨對於呢場戲都有自己嘅解讀：「我哋有婚姻，有屬於自己嘅屋企，有穩定嘅事業同收入。可能好多人都會覺得做夫妻咁樣已經好好，但中間冇咗溝通，冇咗了解，冇咗愛，就乜都冇。」
「我同你嘅相遇，從來唔係我嘅主觀意願可以控制，一切都係天意。」
緣份係天注定，但係兩個人點發展，就要睇吓大家點樣去經營同維繫。經營感情，講到底都唔可以咁佛系。
君馨的演技出色，就連譚詠麟都讚好，佢Cap晒圖並上載到社交網又留言：「剛剛踢完球回家看到一場好戲！」
方力申都有喺王君馨IG留言讚佢演得好，
王君馨 狂谷胸宣傳新劇
王君馨（Grace）出名有fit爆身材，雖然係有料之人，但佢都唔係成日晒身材嘅人，不過新劇《是咁的，法官閣下》開播，身為女一嘅Grace最近嚟個人妻大解放！
王君馨盛裝現身公開活動，佢身穿中門透視裝，大晒完美Body，艷壓全場！睇番佢擔正做女主角的新劇《是咁的，法官閣下》昨晚開播，唔怪得咁博啦！
Grace最近頻頻賣大包，有網友話佢做咗人妻後，反而仲豪放過以前做女嗰陣！
又晒胸又晒腿，大家點睇佢呢一身打扮先？
王君馨 馬爾代夫大解放
馬爾代夫一向係度假勝地，而王君馨就趁最近唔使開工同老公仔一齊去個旅行度下假！日前，Grace就喺個人社交網晒出多張度假相同大家分享，見佢戴上黑超兼著上泳衣，喺池邊手拎住一杯紅酒，唔使講都知佢依家有幾梳乎！
Grace仲非常識做，除咗啱啱嗰張遠影，仲嚟多幾張近鏡，同樣拎住杯紅酒，不過今次就俾佢豐滿嘅上圍吸引哂所有視線，皆因著上酒紅色比堅尼嘅Grace完全將自己33D嘅好身材表露無遺，勁有睇頭！
難得有個無敵靚景，Grace就梗係把握機會影多幾張靚相啦！於是再嚟多一張半身正面相，其深長事業線同樣非常吸睛！
睇得多前面，就係時候影下背面。Grace大哂白滑玉背都不特至，仲要見到個酒杯有佢個唇印，成張相個構圖相當誘人！
之後就當然要影番張全身留倩影啦！天海一線，Grace就坐喺池邊大騷美好身段！呢位人妻堅係超索！
據知，今次呢啲相有唔少都係出自其老公之手，Grace仲留言大讚老公影相影得好，而且仲話：「他說這是他眼中的我 」相信二人都非常滿意今次啲相同行程啦！
王君馨沙灘放閃
最近，王君馨同老公Daniel立即行動去咗馬爾代夫度假，享受陽光與海灘，王君馨仲喺佢IG放閃，大晒兩公婆喺沙灘咀嘴，互孭碌地沙嘅溫馨照片，sweet到暈。
大解放
好吹得
為開心大玩特玩，王君馨仲出動私伙獨角獸大型水泡，最搞笑係王君馨竟憑佢一人之力，一口氣吹脹有成個人咁高嘅大水泡，咪話唔堅！
晒長腿
邊拍片邊計時
為見證呢個咁艱巨嘅創舉，王君馨仲邊拍片邊計時，最後用咗16分鐘完成，都算厲害！王君馨形容自己好似吹咗30個氣球咁……冇晒氣，至於佢老公全程繞埋雙手不特止，仲喺度玩電腦完全冇幫手囉！
不設防造人
兩公婆喺沙灘漫步拍拖睇彩虹又睇日落，王君馨仲話佢哋喺當地食咗唔少好嘢㖭，非常疏肝！今個trip咁歎咁relax，最緊要係可以朝夕相對全速造人，分分鐘兩個人去三個人返都唔出奇囉！
同場加映：王君馨晒結婚相慶結婚一周年留愛的宣言感謝老公
王君馨趁著結婚一周年和拍拖13週年的大日子，於Instagram發佈和老公Daniel的結婚相，還留言：「Thanks for always letting me be my silly self with you!love you so so much! Hope for many more lovely years to come!」兩口子非常恩愛，羨煞旁人！
王君馨夫婦 父親撞埋Chok傷頸
今年的父親節，Grace喺ig透露原本同老公Daniel趁當日約爸爸去銅鑼灣食飯，點知遇上交通意外，Grace當日坐的士去到東區走廊，的士突然急停，雖然冇撞到前面架車，但後面私家車煞唔切制撞到佢哋嘅車尾，Grace喺IG話﹕「胸部頸部同背脊有少少Chok親，老公個頸同埋頭有少少chok親。之後落車比口供，影到撞到我哋嗰架車炒到咁，好彩冇人大受傷。第一次坐真正嘅救護車，身為小演員的我當然有少少好奇，問長問短，仲問佢哋有冇睇動人的時光。15分鐘後到灣仔Ruttonjee Hospital.一個鐘頭內，睇咗醫生寫咗報告，落咗口供，攞咗消炎藥同藥膏離開。醫生話骨同埋神經線冇事，應該係拉傷肌肉，休息幾日應該冇事，感謝神！」
王君馨仲感激警察哥哥、救護人員同埋醫生護士嘅照顧話﹕「A bit shaken by everything that just happened, but feeling safe and happy to be alive.（有啲嚇親，不過依家覺得好安心同埋慶幸仍然活着。）」王君馨話惟有下次再約爸爸食餐好嘅。
昨日端午節，Grace嘅老公負傷參加赤柱嘅龍舟競度比賽，Grace都有去撐老公，佢留言話：「I am SOOO PROUD of my Hubby for waking up at 6am and finishing 3 racestoday, making it to Stanley finals even after our little car accident yesterday,He didn’t want to let his team down, so he persevered and did his best even with the neck and shoulder pain from yesterday. He’s a true champion in my eyes! Thanks to the church fam to come out all the way to Stanley to cheer him on today! (真的很為我老公驕傲，他朝早六點叫醒我並完成三項賽事。雖然噚日遇上交通意外，但仍順利殺入赤柱龍舟競賽決賽。他不想令隊友士氣受挫，因此他忍着頸和膊頭的痛楚完成賽事。在我眼中，他是真正的冠軍。多謝教會的朋友一早來到赤柱支持他。)」
上月Daniel生日，做老婆嘅王君馨當然不忘放閃！
Happy Happy Birthday to the Love of my life! 💚💜 I thank God everyday for creating you so that I learn more and more what Love truly looks and feels like. With you is where my heart is, and with you is where I am at peace. 😌🙌🏻 I Love you! 💖 @dchang515
G R A C E W O N G（@gwgurlie86）分享的貼文 於張貼
王君馨 ：「我係章太啦！」
君馨去年6月同Daniel結婚﹐唔經唔覺二人結婚一年了！君馨當日再高呼自己榮升人妻：「拍拖11年11個月14日的日子已經過去，終於今日我係章太啦！」
7月11日香港補擺喜酒
在美國舉行婚禮後，君馨與Daniel於去年7月11日在香港美國會補擺喜酒，到時會邀請更多親朋好友出席！
