王君馨晒衣帽間盡顯慳妹本色背囊用足6年珍藏結婚鞋有錢買唔到

王君馨白色衣帽間

今次透過馬天佑的YouTube平台「MUSE TV」，大家可以看見王君馨的衣帽間以簡約白色為主，房門一打開就見到設計非常整齊，窗台前是一張白色化妝枱，大大的化妝鏡配上LED燈，和林林總總的化妝工具。房間兩旁大衣櫃相信是按照物品類型而擺放，有兩個櫃用來放衫褲裙之外，亦有一個專門放高踭鞋的多層鞋櫃，櫃面設計成全身鏡方便王君馨照鏡扮靚。

王君馨王君馨首次公開佢嘅衣帽間，相信會令好多女士為之羨慕。 — 王君馨首次公開佢嘅衣帽間，相信會令好多女士為之羨慕。（圖片來源：YouTube@MUSE TV影片截圖）

王君馨王君馨非常有條理而且簡潔的白色衣帽間設計，非常值得一眾姊妹參考。 — 王君馨非常有條理而且簡潔的白色衣帽間設計，非常值得一眾姊妹參考。（圖片來源：YouTube@MUSE TV 影片截圖）

結婚高踭鞋係無價品

王君馨更公開指著鞋櫃其中一對寫上「Zhou Yng Jie」的高踭鞋表示這對鞋是衣帽間內最有意義的東西：「我結婚嗰對鞋啊，但係呢個唔係Jimmy Choo個品牌，係Jimmy Choo嗰個人ZhouYangie(周仰傑)!」點解王君馨可以認識到Jimmy Choo創辦人周仰傑？原來她憑花曼的角色在馬來西亞得獎時，在吉隆坡機場遇到對方，對方更上前主動打招呼，最後王君馨鼓起勇氣交換電話號碼：「之後有幾次去馬來西亞我都有請佢食飯，(差唔多結婚嘅時候)我就問Do you think you can make a pair of shoes for me? (你能為我設計一對鞋嗎?)』跟住我send咗我個婚紗畀佢睇，跟住佢整咗兩對畀我！一對就係結婚嗰日著嘅，你見到有好多著過嘅痕跡，另一對就係for keep，著都冇著過。」究竟出自Jimmy Choo本人設計嘅高踭鞋有幾貴呢？「送㗎！好有意義，所以 I really love them！」原來係無價寶。

王君馨鞋櫃內以淺色高跟鞋和波鞋居多。 — 鞋櫃內以淺色高跟鞋和波鞋居多。（圖片來源：YouTube@MUSE TV 影片截圖）

王君馨呢對米色裐面鑲滿閃石的高踭鞋，是由Jimmy Choo品牌創立人ZhouYanJie親自為王君馨設計。 — 呢對米色裐面鑲滿閃石的高踭鞋，是由Jimmy Choo品牌創立人ZhouYanJie親自為王君馨設計。（圖片來源：YouTube@MUSE TV 影片截圖）

王君馨一次過收到獨一無二的結婚鞋，王君馨表示是人生中最寶貴的一對鞋，非常有紀念價值，絕對唔可以用金錢去衡量。 — 一次過收到獨一無二的結婚鞋，王君馨表示是人生中最寶貴的一對鞋，非常有紀念價值，絕對唔可以用金錢去衡量。（圖片來源：YouTube@MUSE TV 影片截圖）

王君馨身為國際級專業高踭鞋設計師的ZhouYanJie，心思細密到送出同款一共兩對高踭鞋給王君馨，一對結婚用，另一對可以作為收藏。 — 身為國際級專業高踭鞋設計師的ZhouYanJie，心思細密到送出同款一共兩對高踭鞋給王君馨，一對結婚用，另一對可以作為收藏。（圖片來源：IG@gwgurlie86）

王君馨 16年王君馨就是著住Jimmy Choo品牌創立人ZhouYanJie的結婚鞋影結婚相。 — 16年王君馨就是著住Jimmy Choo品牌創立人ZhouYanJie的結婚鞋影結婚相。（圖片來源：IG@gwgurlie86）

買盡不同大細圓圈耳環

鬼妹仔性格的王君馨非常喜歡戴飾物，衣帽間必備大量飾櫃，以抽屜形式設計，每一層都整齊放滿耳環頸鏈等飾物，其中有大半層都是圓圈耳環，放滿不同大細又金又銀又有立體設計。王君馨仲話4年前才買入人生第一條Dior頸鏈：「我以前唔知點解唔敢入Dior，I think it’s a bit too girly，跟住我好朋友DaDa陳靜，she loves Dior and then she was like，跟住我就一次過買咗兩條（金色頸鏈）！」

王君馨飾物架上，放滿林林總總圓圈款式耳環，是王君馨多年來四處搜集的精品。 — 飾物架上，放滿林林總總圓圈款式耳環，是王君馨多年來四處搜集的精品。（圖片來源：YouTube@MUSE TV 影片截圖）

王君馨王君馨愛圓圈耳環有幾盡，不論大小金或銀，同一個款可以8、9、10cm都有齊。 — 王君馨愛圓圈耳環有幾盡，不論大小金或銀，同一個款可以8、9、10cm都有齊。（圖片來源：YouTube@MUSE TV 截圖）

LV袋諗咗4年先捨得買

身為藝人點會冇名牌手袋跟身，但王君馨在片中展示的珍藏品，價值$45,500的LV小盒形手袋，是考慮了4年才捨得入手：「我鍾意咗佢四年，太貴啦，我今年咪去內地做跳舞比賽入咗決賽嘅，我同我老公講，我ready去買呢個袋喇！」Grace表示這個袋好貴，所以打算自己出錢買，但老公卻堅持要送她作為禮物：「佢話『因為我三年都冇買過禮物畀你，let me get this for you(等我買畀你啦)』，跟住就買咗佢喇！好靚呀！」

王君馨當大家都以為女藝人愛不停買名牌手袋時，眼前的王君馨卻考慮咗四年，先買這個LV手袋。 — 當大家都以為女藝人愛不停買名牌手袋時，眼前的王君馨卻考慮咗四年，先買這個LV手袋。（圖片來源：YouTube@MUSE TV 影片截圖）

王君馨這個LV手袋看似一般嘅「廢包」，但其實可以放到電話和一個超薄粉盒。 — 這個LV手袋看似一般嘅「廢包」，但其實可以放到電話和一個超薄粉盒。（圖片來源：YouTube@MUSE TV影片截圖）

慳妹馨一個背囊用足6年

最後王君馨又拿出另一個約價值$7,600的黑色Versace背囊，仲話呢個背囊係自己的返工袋：「我連續6年喺TVB每一日返工拍劇都用佢，用到Versace個鼻都甩色喇，有時冇地方瞓呢，我就會(墊住個頭)咁樣瞓喺地下，有時拍劇拍到第20個鐘，你係攰到just anywhere ，跟住我就咁樣（瞓）!雖然我依家唔用，但係我未好捨得掉吖。」睇得出王君馨除了好熱愛工作、好珍惜她擁有的一切，仲完全唔物質兼且係慳妹一名。