【特技人】自認負面新聞多 傅嘉莉：個角色同我好相似！
撰文：東方新地｜圖片：新傳媒圖片庫、傅嘉莉IG
傅嘉莉負面新聞多
傅嘉莉(Kelly)日前出席活動，講到佢所主演嘅新劇集收視不俗，傅嘉莉表示好鍾意個劇本，因為講出咗好多幕前藝人嘅辛酸，又話自己同飾演嘅角色有唔少相似嘅經歷：「我曾經都有好多負面新聞，當時屋企人非常擔心，不過因為我鍾意演戲，所以屋企人冇反對我繼續喺演藝圈工作！」
昨晚這一集，自己有很大的感觸。 在演藝道路上，我也跟津津一樣，同樣也面對過不同負面新聞，難易解釋，也不能解釋…內心一直鬱結著。 我可說這幾年，在人前保持微笑著，回到家負面情緒和壓力就不斷地湧現，彷彿連呼吸也覺得很辛苦。 但原來在你人生最低潮的時候，眼睛才最雪亮，你會看到真心對自己好的人。 津津好幸福有一個真心對自己好的經理人，而我也一樣，很幸運遇上TVB，遇上珍姐丶樂小姐、經理人和粉絲，在無論發生咩事都對我不離不棄，一直在旁邊支持和鼓勵著我，不斷給我機會，給我這麼好嘅劇本和角色，仍然相信一個連自己都唔相信自己的人，內心有說不出的感動。 我也會跟津津一樣爭氣，不被情緒打倒，珍惜每一個機會，盡力做好自己，報答愛我的你們。 . . . #8月6日星期一至五晚上2130翡翠台播出 #特技人 #stuntman #王偉仁 #tvb #drama #秦臻 #津津 @tvbcomhk @kellyfufansclub
Kelly Fu傅嘉莉（@kelly.fuu）分享的貼文 於 張貼
Kelly又提到日前參加《美女廚房》，成功洗脫「地獄廚神」污名：「我爹哋一直覺得我唔識煮嘢食，佢叫晒啲親友睇嗰集，話我一定煮得好難食，點知大家睇完都跌晒眼鏡！」
為大家介紹，JK夠薑炒蟹伊麵！ 好開心我有個好拍檔 @jessie_sum，今次證明左我真係唔係地獄廚神嚟㗎！ . . . @cooking_beauties #cookingbeauties #cooking #beauties #美女廚房
Kelly Fu傅嘉莉（@kelly.fuu）分享的貼文 於 張貼
佢又笑言喺節目上攞十分，可以放心嫁得出：「要多謝以前合作過嘅黎耀祥同黃浩然畀我嘅友情分，啲嘉賓都話可以同我嘅追求者證明我係煮得。佢哋公開sell我同沈卓盈早日嫁得出，係我今年收到最大嘅祝福。」
愛貓鍾意叫青雲
Kelly喺活動上同明星貓「忌廉哥」合照，原來佢屋企都養咗兩隻貓：「一隻貓仔14歲叫Bebe，一隻貓女11歲叫Gebe，BeBe係灰白色，個樣好cool，所以我啲朋友都叫佢做『青雲』，但佢性格好似我，都係好嗲。我之前搵過識動物傳心術嘅朋友睇過，原來Bebe係超級唔鍾意『Bebe』呢個名，佢鍾意人哋叫佢『青雲』！」
佢又指當初領養BeBe返嚟時，佢畀人剃晒毛又好瘦：「但我畀佢把好好聽嘅聲吸引我，初時養佢，佢成日嘔同睇醫生，都經歷咗一段時間，後來終於知道點去照顧佢，佢已經11年冇睇過醫生，所以都好感恩。」
Kelly直言揀選另一半嘅條件一定要有愛心，而且可以愛屋及烏鍾意佢養嘅寵物：「因為養貓係一世，所以佢愛我都要愛我嘅貓，唔能夠放棄我啲貓！」
Kelly又透露有意為兩隻愛貓印T-shirt送畀粉絲，笑言如果為愛貓開社交平台，粉絲量肯定比自己多。
愛貓BeBe。
個樣真係好cool！
仲有貓女Gebe！
《特技人》演「津津」
又跑，又boxing，又行鋼繩，又射槍，May🐷老師，可唔可以慢慢學呀💦 @rebecca_zhu . . #8月6日星期一至五晚上2130翡翠台播出 #特技人 #stuntman #王偉仁 #tvb #drama #秦臻 #津津
Kelly Fu傅嘉莉（@kelly.fuu）分享的貼文 於 張貼
劇情講到秦臻拍戲再遇賤男大衛，大志及知行合力戲弄大衛，令大衛當場出醜，秦臻越來越喜歡知行（關楚耀飾）。
