陳豪現身活動，問到父親節如何同子女慶祝，佢表示：「唔想丟低個女喺屋企，我哋出咗去，因為佢都有份嘛，所以喺屋企食下飯就算啦，呢個係共享天倫之樂嘅日子。大仔都識畫畫、填顏色送俾我，好開心。」

樂做湊仔公

再度榮升爸爸，今年父親節有大仔Aiden、二仔Nathan同孻女Camilla一齊過，問到心情係咪特別興奮，陳豪說：「對我來講都係一樣，自己好嚮往同小朋友相處嘅時間。早幾日學校有沙灘活動，兩個仔帶埋我哋去，見到佢哋玩得咁開心，自己就開心。」之後仲祝大家「父親節快樂」！

太太將復出

提到太太陳茵薇早前生病，依家身體狀況如何，陳豪表示：「狀態仲好過以前，自己都會全力以赴做到最好咁照顧佢。佢應該差唔多復工，而家回復得好好，修身嗰啲可以慢慢，最緊要身體健康。」

延伸閱讀：

情趣酒店過AV癮

怪叔叔約嫩模過夜 想對方「成長」