熊黛林無辜被財仔追數 揭發菲傭設計搏炒魷

撰文：Kammy（原文刊於：SundayKiss） | 圖片來源：熊黛林 Facebook及Instagram

熊黛林 遭菲傭設計搏炒魷

藝人熊黛林（Lynn）於2016年下嫁郭可盈弟弟郭可頌，去年4月誕下雙胞胎女兒Kaylor與Lyvia，一家四口幸福美滿。Lynn日前就在社交網站上發文，分享了最近面對的頭痛事，透露自己無故收到追債電話及信件！不過，Lynn其後發現，原來欠債的是家中菲傭，更指自己差點中菲傭設下的局。

Lynn表示，其家中的菲傭早已辭職回國已經一個多月，但卻突然收到了財務公司的追債電話和信件，「這讓我頓時明白了為什麼一開始細心勤快的她，怎麼突然之間變得粗心大意，言語中還帶有諸多挑釁。事到如今，慶幸當初自己沒有中她的計被她氣壞解僱她。」原來一切都是菲傭設的局，令Lynn十分慨嘆，更指菲傭「套路太深」。不過，Lynn發洩完後，她亦同大家講不開心的事情不要帶到第二天

由Lynn敘述的事件來看，應該是菲傭欠債，想故意生事端被解僱以領取解僱代通知金。Lynn其後更向財務公司說工人已離職，不在她家住，相信之後不會再找他們，不過對於要照顧兩個孩子的熊黛林一定做成不少滋擾。

延伸閱讀：

郭可盈教路谷孖女 熊黛林攻幼稚園界哈佛

去年4月熊黛林誕下雙胞胎女兒Kaylor和Lyvia, 此後刻意減產專心湊女,轉眼孖女已9個月大,熊黛林開始頭痛要為女兒未來升學鋪路,幸好有二姑奶郭可盈教路,為熊黛林提供一條龍升學意見,只要能狠心做虎媽,包保能谷到孖女成為尖子,唔憂冇學校收。日前熊黛林與老公郭可頌現身有「幼稚園界哈佛」之稱的寶山幼兒園,夫婦齊心交表盡顯誠意,更謂已安排孖女返playgroup打定 個底,不過寶山幼兒園收生嚴謹,唔係有錢就一定收,最難過一關 是父母背景。郭可頌打理家族生意,家族資產過百億後盾夠晒強大,熊黛林雖然是生於南京的超模,但婚後開始低調,產女後亦盡 力做好人母本份,孖女入唔入到幼稚園界哈佛,就要睇父母面試時表現,睇嚟熊黛林要向經驗老到的郭可盈取多啲經先。

撰文：東方新地 ｜圖片：新傳媒圖片

熊黛林有郭可盈教路谷孖女

熊黛林婚後兩年順利懷孕,一中獎就打孖上,去年10月38歲生 日,她揚言度過人生最滿足生日,因為有寶貝孖女Kaylor 同Lyvia 陪住切蛋糕。由超模變成百億新抱,熊黛林不再追求名利,有女萬事 足的她產後沒有全面復工打算,只有限度出席零星活動還人情 債,及打理自家運動服裝品牌,其餘大部分時間都專注照顧孖女。

9個月大返Playgroup

上年聖誕節,熊黛林把孖女 Kaylor 及 Lyvia化身成聖誕 ,二人肥嘟嘟,精 靈可愛,仍未識行只坐在梳化上拍 照。現在 個月大的孖女已被安排返 playgroup,熊黛林與郭可頌亦要開始 不辭勞苦陪公主讀書。

揀名幼有優勢

現在孖女已9個月大,熊黛林煩惱的事情亦升級,要開始著手 為囡囡部署未來十幾廿年的升學計劃。對於初為人父母的熊黛林 與郭可頌來說,這無疑是個很大的難題,不過郭家有個精於谷女 成尖子的二家姐郭可盈,熊黛林當然一早已向二姑奶求助。據知 情者透露:「講到培養小朋友,可盈真係專家,大家都知佢個女津 津自小就畀佢狂谷,除咗操學術,其他音樂同興趣都唔能夠忽 略,當年佢安排津津讀兩間幼稚園就畀人抨擊過分,話咁樣會令 小朋友好大壓力,不過可盈唔理人講乜,而津津亦畀佢教得好 好,依家上咗小學都冇大問題,佢亦好鍾意返學。Lynn(熊黛林) 喺國內長大,對於香港嘅教育制度真係一頭霧水,可盈過咗唔少 料畀佢,總之一定要從小就打好個底唔可以鬆懈,同埋要幫小朋 友揀間好有優勢嘅幼稚園,名校接名校,咁樣一路讀上去。」

交表後離開學校,郭可頌手上拎住份入學申請文件,素顏示人的熊黛林則 跟隨其後。

頻撲交表

上周二(1月 22日)下午 3時許,熊黛林與老公郭可頌由北角半山寓所出發,前往 位於渣甸山的寶山幼兒園,夫婦二人在校內交表辦手續,為一對孖女申請入讀該校的2歲學前班。

壓力打孖上

早於三個月前孖女只得半歲,熊黛林已公開表示急於為兩女兒物色學 校,更承認有向郭可盈取經:「已經睇緊啲學校,原來已經遲咗好多,好多 人話陀住B 嘅時候就要睇定,我都未知要報幾多間,由老公決定。我都有向 家姐(郭可盈)取經,佢囡囡津津依家小學讀得幾開心,本地學校都好,但好 辛苦,我驚自己壓力大過BB,有孖女壓力係雙倍,好恐怖。」郭可盈當年對女兒的緊張,看來已全部傳給新手媽媽熊黛林,當時她還表示怕女兒讀書辛苦,想為女兒報讀國際學校。

行去停車場攞車期間,冇化妝的熊黛林無懼以真面目示人,全程面對鏡頭甜笑。

講到孖女的未來升學大計,郭可頌表示要好好計劃,兩 公婆有女萬事足,心情亦特別靚,還透露會留港過農曆新年。

為女報學校無得假手於人，上周二(1月22日)下午3時許，熊黛林與郭可頌終於行動,二人離開北角半山寓所,到達渣甸山的寶山幼兒園,現場所 見,郭可頌手持一份文件,入到學校的接待處辦手續,交表的簡單程序亦兩 公婆一齊行動,可見他們對此校的誠意。據知並非所有遞交入學申請表的學童都有面試的機會,寶山幼兒園收生嚴謹,以往入讀的學生全部都非富則貴,父母在社會上有顯赫的地位及家族背景,即使父母是中產的專業人士,亦不保證會獲得面試的機會。

去年4月誕下孖女後,熊黛林花了近半年時間才作有限度復出,不過太辛苦時間長的工作都免問,寧願減產湊女做個幸福媽媽。

而坊間更盛傳要入讀寶山幼兒園,就必須要先報讀有聯繫的ITT Playgroup,不過此palygroup一樣難入,不少富豪名人在BB未出世已報定 名。據知熊黛林在郭可盈教路下早已成功為孖女報讀ITT Playgroup,有望成 為寶山幼兒園的學生。 郭可頌除打理家族生意,估計資產約百億外,個人 擁有出口貿易公司及自創家品品牌,生意遠銷內地及歐美國家,估計身家逾 億。阿爸家底財力都不遜,熊黛林孖女一出世已贏在起跑線,所以阿媽亦唔 使太緊張,若然入唔到哈佛,香港仲有其他頂級神校爭住收孖女啦!

狂晒女

大孖Kaylor眼大大非常靚女,熊黛林成日po相上IG讚囡囡。

肥美的細孖Lyvia都唔弱,熊黛林經常幫佢整得意造型,睇得出媽咪好享受湊女同晒女。

郭可頌：要為囡囡好好計劃！

記：本刊記者 郭：郭可頌

記：今次係咪為孖女報學校？
郭：係呀！
記：佢哋依家先9個月大，點解咁早報名嘅？
郭：小朋友讀書條路好漫長，差唔多啦！
記：幾時會入讀呢間學校？
郭：嚟緊都係讀playgroup先。
記：仲會唔會後多幾間幼稚園？
郭：考慮緊！要開始plan，呢個係一個幾長嘅plan，要好好計劃。

郭可盈式谷女

家底厚的郭可盈自小便得到父母愛錫,人到40才初為人母,自然對女兒津津份 外緊張。為令女兒成為十項全能資優生,據知在津津兩歲時,已替她報讀每年學費 近 10萬的京斯敦國際幼稚園名牌學前班,又安排她學花式溜冰、英文班、唱歌、畫 畫、跳舞及彈琴等,到升讀幼稚園,竟安排津津一日返兩間名牌幼稚園,被指虎媽 上身狂谷女兒。年前津津考入名牌小學蔡繼有,郭可盈才稍為放鬆。

學前班

幼稚園

小學

郭可盈是郭可頌的二家姐,姊弟關 係非常之好,拍拖不久郭可頌已帶 熊黛林回家食飯見家長。熊黛林誕 下孖女後,更不時向郭可盈請教育女心得。

郭可盈與林文龍的女兒林天若(津津)今年9歲,自小便被培養成尖子,讀書成績優異,3歲人仔已考獲初級鋼琴證書,彈得一手好琴。

名人搖籃

寶山幼兒園有「幼兒園界哈佛」之稱,是城中搶手貴族學校,學費每 年約11萬,貴過讀大學,不過收生嚴謹,不是有錢就一定可入讀。 由於 入讀都是名人富豪後代,千億新抱徐子淇囡囡、伏明霞梁錦松長女、羅寶 盈愛女、前律政司長黃仁龍女兒等都是該校校友,絕對系出名門,所以每 年家長報名都爭崩頭,據知有不少父母在BB未出世已向寶山幼兒園報名 留位,亦有傳要入讀寶山幼兒園創辦人呂明才孫新抱楊俊婷女兒呂慶欣在 鴨脷洲開設的ITT Playgroup,才能獲得寶山幼兒園的面試機會,而2歲的 學前班通常能升讀該校幼稚園,該校學生能升讀頂尖小學比率亦相當 高,大多能升讀如聖保羅男女中學附屬小學、拔萃男/女小學等頂尖學府。

寶山幼兒園位於香港島渣甸山,該校設施齊備,有室外及室內遊樂場、電 腦室、演講廳及小廚房等,每班均由兩位(其中一名外籍)老師任教, 師生比 例約為1:8。別以為富豪子女必能考入,學校很重視學生家長背景,有家長 為此特別將自己的履歷及顯赫背景填在申請表內,望提高入學機會。