16歲炎明熹腳仔軟台上跌倒爆喊 粉絲怪責無綫用到盡：感覺佢似搖錢樹
文：東方新地 ｜圖：IG@yiminghay、IG@chungshersher
腳仔軟台上跌倒爆喊
16歲的炎明熹（Gigi）自從奪得無綫《聲夢傳奇》第一季總冠軍後備受力捧，工作量亦大增。平時Gigi除了返學之外便是一連串的幕前工作，幾乎所有無綫大騷都能見到她的身影，早前Gigi更擔正拍攝無綫青春劇《青春本我》作雙線發展，人氣不斷上升。不過日前炎明熹、譚俊彥（Shaun）及鍾舒漫出席活動，Gigi因肚痛腳仔軟當場跌在地上，幸好獲同場的Shaun上前攙扶，當她企起身後聽到fans的鼓勵便忍不住即場爆喊，需由司儀安排入後台休息。事後炎明熹受訪時仍忍不住淚水，表示可能之前感冒未清，所以有點肚痛，但一直未有跟公司說自己身體不適，不想令人擔心及影響工作。
粉絲怪責無綫：感覺佢好似搖錢樹
炎明熹腳仔軟跌倒台上引發網上熱烈討論，有不少「Gi炎粉」留言鼓勵偶像：「來日方長唔好做得太盡，要休息下」、「Gigi要保重身體」、「病就要休息下」等等，不過亦有粉絲將矛頭指向無綫，認為TVB沒有給充足時間讓Gigi休息，不斷增加工作量：「TVB搞到Gigi太操勞喇」、「用到佢盡」、「感覺佢好似搖錢樹」、「奴隸工時」等等。
事後道歉
雖然炎明熹當日是因為身體不適而在活動進行期間跌倒，而網民都矛頭一致指向無綫用到盡，然而，炎明熹事後仍在個人社交網店上為自己當日的失態以及令人擔心而道歉：「前日要大家失望同擔心，對不起。我現在好多了，亦會好好休息，祝大家都要身體健康。下次我會盡返200分努力唱歌俾大家聽。感謝你哋。更加要感謝Shaun前輩同 Sherman前輩的照顧同體諒。辛苦大家的等待與支持。」不少網民都即時留言安慰，更寄語希望炎明熹別再感到內疚，「唔使講對唔住，gi 炎粉無限量支持你，撐住你」、「唔使唔開心， 炎粉其實係想見你開開心心同健康， 我地日後仲有大把時間聽你唱歌」、「作為粉絲，我地只有擔心，但一啲都無失望。因為妳已經非常努力。加油」。
晚上再趕《青春本我》劇集慰勞宴
雖然Gigi下午的活動上肚痛腳仔軟當場跌在地，但晚上又趕往劇集《青春本我》慰勞宴赴約，認真勤力！慶幸獲得無綫電視總經理（節目內容營運）曾志偉的首肯，批准她出席在明年元旦日由ViuTV直播的《叱咤頒獎禮》，更直言有信心Gigi會得獎。而對於Gigi在下午時身體不適倒地，志偉就話會向公司了解情況，並承諾會給她更多時間休息，不過就叫大家「唔好畀個熱情熄火」咁話！
