炎明熹

炎明熹親解內地公司天價過檔 認未續約TVB繼續冇人到場採訪

最新娛聞
東方新地 - 即時娛樂

廣告

聲夢小天后炎明熹（Gigi）最近連環陷入雪藏及離巢風波，日前Gigi就孖視帝陳豪現身機場出席活動，吸引大批fans到場支持，人氣似乎未受傳聞影響。不過未同TVB傾掂合約的炎明熹今次活動就依然未獲大台派員採訪，Gigi事後接受傳媒採訪時亦有再談及此事，仲開腔透露目前與TVB的合約問題，以及回應有傳內地公司以天價邀請佢過檔的傳聞……

炎明熹認仲未續約TVB

自從離巢的傳言一出，炎明熹疑隨即被TVB雪藏，現時就算出席活動都冇TVB記者到場採訪。對於今次拍住TVB視帝陳豪出活動都冇大台記者到場一事，炎明熹就笑稱可能係地點太遠同埋檔期問題，高EQ化解尷尬。而被問到與TVB的合約進展時，炎明熹就坦言仲未與TVB續約，目前仍在討論階段，而自己對於未來亦保持開放態度。炎明熹透露家人都唔知太多關於自己合約的問題，始終「呢個年紀會嘗試所有嘢都自己決定」，希望唔好令家人擔心，仲搞笑稱可能自己第時會去咗做空姐都話唔定。

炎明熹 炎明熹以往出席活動時，TVB都會派員採訪，不過自從傳出Gigi有意離巢的消息後，TVB喺炎明熹最近2次的公開活動都冇派員到場採訪。（圖片來源：YouTube@TVB娛樂新聞台）
炎明熹以往出席活動時，TVB都會派員採訪，不過自從傳出Gigi有意離巢的消息後，TVB喺炎明熹最近2次的公開活動都冇派員到場採訪。（圖片來源：YouTube@TVB娛樂新聞台）
炎明熹 炎明熹日前孖住陳豪出席活動，不過今次就算有TVB視帝在場都改變唔到冇大台記者到場嘅事實。（圖片來源：YouTube@MoreForms Media魔方全媒）
炎明熹日前孖住陳豪出席活動，不過今次就算有TVB視帝在場都改變唔到冇大台記者到場嘅事實。（圖片來源：YouTube@MoreForms Media魔方全媒）
炎明熹 炎明熹在訪問中表示最近的心情十分平靜，日前仲在限時動態曬出自己的校服相為各位DSE考生打氣。（圖片來源：IG@yiminghay）
炎明熹在訪問中表示最近的心情十分平靜，日前仲在限時動態曬出自己的校服相為各位DSE考生打氣。（圖片來源：IG@yiminghay）
炎明熹 炎明熹在訪問中亦表示希望大家唔好太擔心佢，事後亦在社交平台出story，再次叫大家唔使太擔心自己。（圖片來源：IG@yiminghay）
炎明熹在訪問中亦表示希望大家唔好太擔心佢，事後亦在社交平台出story，再次叫大家唔使太擔心自己。（圖片來源：IG@yiminghay）

炎明熹親解內地公司天價過檔傳聞

最近更有傳炎明熹被內地公司以天價邀請過檔，Gigi就表示自己都唔知有呢件事，不過就唔抗拒有新嘅發展。炎明熹亦坦言有唔同嘅發展其實都有好有壞，雖然依家都未知最後嘅發展係點，不過自己就咩都想去試吓，去發掘自己嘅潛能。

炎明熹 炎明熹曾參加由內地芒果TV與TVB聯合製作的「香港回歸25週年特別獻禮」音樂真人實境秀節目《聲生不息‧港樂季》，成功打入內地市場，當中炎明熹翻唱的《蜚蜚》在YouTube的點擊更高達830萬。（圖片來源：YouTube@湖南衛視芒果TV官方頻道）
炎明熹曾參加由內地芒果TV與TVB聯合製作的「香港回歸25週年特別獻禮」音樂真人實境秀節目《聲生不息‧港樂季》，成功打入內地市場，當中炎明熹翻唱的《蜚蜚》在YouTube的點擊更高達830萬。（圖片來源：YouTube@湖南衛視芒果TV官方頻道）
炎明熹 炎明熹在內地人氣高企，除了被不少內地的大型節目邀請外，微博的粉絲人數更超過100萬！（圖片來源：微博@炎明熹Gigi）
炎明熹在內地人氣高企，除了被不少內地的大型節目邀請外，微博的粉絲人數更超過100萬！（圖片來源：微博@炎明熹Gigi）

炎明熹變觀眾睇After Class 3缺1演唱會

早前TVB就播出炎明熹的演唱會，不過就僅有一小時的播出時間，令唔少觀眾都認為係「趁未離巢趕住出埋」。炎明熹就表示係公司嘅決定，自己都尊重同理解。而對於姚焯菲、鍾柔美和詹天文將於今明2日（19及20日），炎明熹就稱希望有機會可以到場欣賞，對於3缺1開騷一事表現大方。

炎明熹 TVB早前播出《炎明熹Gi-FORCE演唱會》，不過播出的版本僅剪剩1個鐘，更被網民狠批係唔係「趁未離巢趕住出埋」。（圖片來源：YouTube@TVB (official)）
TVB早前播出《炎明熹Gi-FORCE演唱會》，不過播出的版本僅剪剩1個鐘，更被網民狠批係唔係「趁未離巢趕住出埋」。（圖片來源：YouTube@TVB (official)）
炎明熹 同為After Class的姚焯菲、鍾柔美和詹天文將於今明2日（19及20日）開騷，今次的演唱會更係再次3缺1！（圖片來源：TVB）
同為After Class的姚焯菲、鍾柔美和詹天文將於今明2日（19及20日）開騷，今次的演唱會更係再次3缺1！（圖片來源：TVB）
炎明熹 今次聲夢3小花繼續飛甩炎明熹開騷，就連大台都集中火力採訪3小花。（圖片來源：YouTube@@TVB娛樂新聞台）
今次聲夢3小花繼續飛甩炎明熹開騷，就連大台都集中火力採訪3小花。（圖片來源：YouTube@@TVB娛樂新聞台）
炎明熹 After Class近年多數活動都係以3缺1的形式出現。（圖片來源：IG@yumichung1221）
After Class近年多數活動都係以3缺1的形式出現。（圖片來源：IG@yumichung1221）

撰文：東方新地圖片來源：IG@yiminghay、YouTube@TVB娛樂新聞台、YouTube@湖南衛視芒果TV官方頻道、微博@炎明熹Gigi、IG@yumichung1221、[email protected]、TVB、YouTube@MoreForms Media魔方全媒、YouTube@TVB (official)

熱門文章