炎明熹演唱會被嘲「送飛都唔去」酸民留言火速被擊退！

炎明熹演唱會疑遭惡意中傷

近日有匿名網民於討論區留言「半價放炎明熹演唱會門票」，內容寫道：「d客送，炎明熹太樣衰，真係送飛都唔去」。不過最後開Po者被網友質疑憑空捏造，更呼籲對方拍低門票實物否則向admin舉報，結果該「新手用戶」被判斷為「違規用戶」遭admin刪帖了事，成功擊退惡意生謠的討論區打手。

炎明熹演唱會炎明熹近日有打手在討論區發文「半價放炎明熹演唱會飛」 — 近日有打手在討論區發文「半價放炎明熹演唱會飛」（圖片來源：網上截圖）

炎明熹演唱會炎明熹聲稱門票為客人送，但卻沒有上傳門票的實體照。 — 聲稱門票為客人送，但卻沒有上傳門票的實體照。（圖片來源：香港討論區截圖）

炎明熹演唱會炎明熹該帖文被網民質疑為「打手」的惡意攻擊，現時已經被討論區Admin刪除。 — 該帖文被網民質疑為「打手」的惡意攻擊，現時已經被討論區Admin刪除。（圖片來源：香港討論區截圖）

炎明熹演唱會炎明熹疑似「打手」的賬號亦被改為「違規會員」 — 疑似「打手」的賬號亦被改為「違規會員」（圖片來源：香港討論區截圖）

網民反應兩極：己所不欲勿施於人

事件一傳出之後，引來不少網民在社交平台留言討論。雖然有網民留言力撐Gigi，認為討論區打手的行為非常無謂：「得閒冇嘢做玩中傷，冇事啊？」、「我想買靚飛都冇」、「攻擊人哋嗰樣做乜姐？」。不過亦有網民留言指認同「打手」的說法：「有朋友都問我要唔要飛，免費送，留返比啲腥港人，唔啱口味，太重廟街味」、「應該好多人拎咗飛都唔去，最靚嘅畫面就會出現」、「己所不欲勿施於人，人地送俾你嘅野唔要仲好意思賣俾人？」等。

炎明熹演唱會炎明熹有網民認為「打手」行為幼稚兼無謂。 — 有網民認為「打手」行為幼稚兼無謂。（圖片來源：IG@yiminghay）

炎明熹演唱會炎明熹同時亦有網民認同「打手」的說法。 — 同時亦有網民認同「打手」的說法。（圖片來源：網民留言截圖）

炎明熹紙牌慘遭神秘男子「強吻非禮」

除了有不良份子於討論區惡意中傷Gigi演唱會之外，有網民亦在討論區上傳多張某名神秘男子「強吻非禮」放在餐廳門外的Gigi紙牌。相中一名身穿白色T恤加灰色短褲的男子，對住Gigi紙牌由頭強吻到落腳，仲瀨埋紙牌上碟炒蛋，行為非常怪異。網民都紛紛留言怒斥該名男子的行為：「痴線佬炎本人見到幅相都應該幾驚嚇」、「最後一張瀨緊邊」、「仲顛過馬車」等。

炎明熹呢位男子被網民話博出位！ — 呢位男子被網民話博出位！（圖片來源：網上圖片）

炎明熹演唱會炎明熹白色男子「強吻」完Gigi之後，又瀨隔離碟炒蛋。 — 白色男子「強吻」完Gigi之後，又瀨隔離碟炒蛋。（圖片來源：網上圖片）

炎明熹演唱會炎明熹行為仲越來越過火！ — 行為仲越來越過火！（圖片來源：網上圖片）

個唱門票開賣即售罄一票難求歌迷買唔到飛

有「樂壇小天后」之稱的炎明熹（Gigi）奪得《聲夢傳奇》總冠軍後開始音樂路，早前宣布將於10月7日舉行首個個人演唱會，門票公開發售後不足兩小時就全部售罄。見銷情如此理想，主辦方隨即宣布加開10月8日場次！首個公售演出，就能夠得到廣大樂迷支持，當Gigi得悉這個喜訊後，難掩興奮心情，她說：「我前一晚仲緊張到瞓唔著，真係冇諗過反應咁好，開賣冇幾耐，我已經不斷收到歌迷喺社交網站私訊我話買唔到飛，好唔開心。」歌迷一票難求，黃牛黨更「趁火打劫」，聲稱手握前排靚位門票，要求私訊了解詳情及售價，非常猖狂。

炎明熹演唱會炎明熹 Gigi的演唱會門票被黃牛黨趁火打劫。 — Gigi的演唱會門票被黃牛黨趁火打劫。（圖片來源：IG@yiminghay）

Gigi親自向公司要求加場

出名痛錫歌迷的Gigi，第一時間向公司反映問題，擔心歌迷為了支持自己，不惜向黃牛黨買炒價飛。有見及此，主辦單位亦迅速採取應變措施，決定加開10月8日終極尾場，希望可以舒緩炒飛問題。Gigi亦馬上放下心頭大石：「之前睇啲前輩歌手開演唱會嘅報道，會煩惱歌迷買唔到飛，又會心痛佢哋幫襯黃牛黨，而家我終於身同感受，好多謝公司配合，好快就應承加多一場，但因為場地問題，唔可以再加。我想喺度呼籲我嘅歌迷，真係唔好幫襯黃牛黨，希望加場之後，大家都可以買到飛。」

炎明熹演唱會 Gigi為歌迷落心落力。 — Gigi為歌迷落心落力。（圖片來源：IG@yiminghay）

為答謝歌迷付出雙倍心機

Gigi坦言，雖然決定加場後，令自己的壓力大增，但為了答謝歌迷，將會盡最大努力，好好完成2場演唱會：「正如我喺記者會上講，只要我攞起支咪，就會珍惜每一次演出，唱好每一首歌，為咗多謝歌迷嘅支持，我會雙倍俾心機。」

炎明熹演唱會 Gigi承諾會付出雙倍的努力。 — Gigi承諾會付出雙倍的努力。（圖片來源：IG@yiminghay）

炎明熹 Gi-FORCE演唱會

日期：10月7日、8 日（星期六及日）

時間：晚上8時15分

地點：九龍灣國際展貿中心Star Hall

票價：$880、$680、$480

門票開售日期：8月25日上午10時

購票熱線：Ticket Purchase Hotline 31288288
網上購票：www.hkticketing.com

炎明熹感慨：呢段旅程非常之奇幻

在演唱會記者會上，Gigi分享由《聲夢》到現在的感受：

呢段旅程非常之奇幻，因為我本身都冇諗住成為一位歌手，但係好似喺呢一條路到慢慢有個力量想我將呢方面推廣去，因為我以前係同爸爸嘅一樣想做一位護士，但喺過程之中嘅中間我就好鍾意唱歌，同埋我發現咗呢一個興趣之後，佢問我想唔想唱歌，我就話我想，之後就開始咗比賽，再參加星夢，再慢慢成為歌手，我覺得自己非常之幸運，同埋多謝咁多位支持我。

見返影片嘅時候，我會叫自己保持初心，同埋會有一種想喊嘅感覺，但個種喊係可能睇返以前嘅自己唱歌同埋而家自己唱歌，拼埋嘅時候會變成新嘅感觸。