7個喜愛滑水女藝人出海鬥水著定技術？

｜蔡思貝

夏日炎炎，多位女星齊齊出海滑水。咪睇蔡思貝咁瘦，穿上黑色性感泳衣，竟然罕有哂出長長事業線！據知，蔡思貝是首次滑水，仲請咗陳嘉寶老公黃頌祈做私人教練，見佢喺滑板上有姿勢又有實際，又唔似第一次玩，睇落靚相背後下過唔少苦功。

日前，蔡思貝再度出海滑水，今次相對上次就保守得多，雖然冇哂事業線，但露出小蠻腰，都幾吸睛！

並非首次滑水的陳瀅亦有分享滑水照，見她穿了一件藍底色白色星星的連身泳衣，雖然其泳裝比起蔡思貝就較為保守，不過勝在有一雙白滑美腿，夠哂吸睛！

滑到咁上下，陳瀅基本都學有所成，可以企穩喺滑浪板上，仲興奮到高舉雙手，擺出V字手勢。

之前，第一次滑水嘅陳瀅身穿救生衣，而且要拉住繩，但不變嘅係佢都依然只騷白滑美腿。

第3次滑水的陳瀅經過之前的訓練後，日前出海滑水已顯得熟練，面上帶住自信十足的表情！今次仲要著年吊帶Tube的泳衣，露出微微事業線，認真罕有！

吳嘉熙相對就冇滑得以上兩位咁叻，可能因為初學，仲未可以企得好穩，但佢就留言表示自己都可以企喺板上，維持到有10秒咁多！

何雁詩都有出海滑水，第一次玩就有蔡思貝同陳瀅畀啲貼士，教佢滑得好嘅方法。不過睇相望落，佢似乎有啲緊張咁，冇咩笑容，可能太專注要滑得好。

周家怡最近都出海滑水，仲激罕有喺網上晒水着照，着上三點式玩滑板，仲要烏低身拋胸，真係令人眼前一亮！加埋佢對白滑美腿同燦爛笑容，完全冇得彈啊！

何家千金何超蓮原來同樣愛好滑水，近日佢就分享一張玩無繩滑水相，仲要大晒白滑長腿，認真勁吸晴！佢又留言表示：「第一次wakesurf，甩掉繩子，我滿意了，當然就是為了拍照 #1分鐘也算 #下次會更好」

不過，如果講到最熱愛滑水嘅女星，都一定要數到吳千語，皆因佢呢個夏天，已經多次出海滑水，更見佢有姿勢有實際，無論係企定都難佢唔到！

熟練滑水嘅吳千語玩起板上嚟的確有板有眼，望落佢應該可以滑到10秒以上。

除咗三點色，佢之後亦着住白色連身泳裝玩滑水，泳衣腰間同大脾位都有透視lace設計，幾性感！吳千語企喺衝浪板上，又舉起雙手，平衡力超好！

玩滑水就好似俾機會吳千語騷泳衣一樣，幾乎次次出海嘅泳衣都唔一樣。

關鍵詞