52歲溫碧霞被封「永遠的妲己」隔17年再穿經典露膊裝
廣告
講起《封神榜》入面「妲己」呢個角色，相信唔少人都會首先諗起溫碧霞！17年前溫碧霞喺《封神榜》嘅演出喺觀眾心中留下咗好深印象，嬌嗲得嚟又夠妖豔，仲暗藏幾分奸，無論係眼神笑容定係裝扮都完全冇得輸！最近，溫碧霞就喺微博上傳身穿妲己裝嘅相片，只係估唔到咁多年後佢再穿起妲己裝，竟然完全冇走樣！
撰文：東方新地 ｜ 圖片：《封神榜》劇集截圖、微博
溫碧霞被封「永遠的妲己」
當年《封神榜》紅遍兩岸三地，温碧霞飾演嘅妲己一角最令人印象深刻又恨之入骨，一身標誌性嘅性感露膊裝，成功迷惑到紂王（鄭子誠飾）興建酒池肉林，又口出妖言煽動紂王殺害忠臣！但睇見溫碧霞喺劇中嘅妖嬈媚態，小編都唔難理解點解紂王會同美人講話「來陪孤王喝酒」嘅！
事隔十七年再扮妲己
過咗咁多年，52歲嘅溫碧霞都仲係保養得宜，再穿起妲己嘅露膊裝都冇違和感！
17年前：
2018年：
六月嗰陣，溫碧霞仲喺旺角麥花臣場館舉行首個個人演唱會《溫碧霞海潮演唱會2018》添！
關鍵詞
溫碧霞
