【港姐2018】佳麗當淘寶貨係港姐面試戰衣？！
廣告
一年一度嘅港姐將會喺下月舉行，早前無綫安排咗約180個候選佳麗進行《2018香港小姐競選》首輪面試，而第二輪面試就約有60至70位女士到場。兩輪面試都引嚟熱議，甚至仲有網民發起改圖大賽添！相信大家對部份佳麗都仲有啲印象，但又有冇覺得佢哋啲戰衣似曾相識呢？小編就發現原來今年唔少佳麗都選擇喺淘寶搵戰衣，一齊嚟睇吓有邊啲啦！
撰文： 東方新地｜圖片：東方新地、網絡截圖
淘寶貨係港姐面試戰衣？！
其實依家科技發達，用電話影一影、Scan一Scan就可以喺淘寶搵到一堆同款㗎啦⋯⋯不過似乎唔少佳麗都仲係相當鍾情淘寶購物喎，靚唔靚就見仁見智啦～
就好似21歲的中英混血兒蔡優美，係深圳大學英文系二年班學生。首輪面試以購自淘寶嘅開胸紅色裙到場，複選就改穿小性感嘅黑色露背背心裙，不過就都可以喺淘寶搵到，承惠約二百蚊人仔。
呢位佳麗喺首輪面試嘅紅裙都係購至淘寶咁喎～
其實小編之前行街見到夏蕙姨契女嘅同款系列，已經默默決定咗今年都係唔好掂呢個款㗎啦⋯⋯好熟面口咁，費事引起啲咩聯想咁啦⋯⋯ 唔知大家又覺得今年佳麗面試戰衣嘅風格如何呢？
