【港姐2018】何泳芍 陳曉華各領風騷 黑白美女你撐邊個？

撰文：東方新地｜圖片：新傳媒

【港姐2018】何泳芍 陳曉華各領風騷

《港姐2018》19位候選佳麗今日首次以泳裝照亮相，活動於將軍澳一酒店進行，雖然因天雨關係要移師室內，不過都無阻佳麗的表現！大會今年以「藍天白雲」作為泳裝主題，眾人藍色以三點式或一件頭上陣，不過依小編所見，都係以14號何泳芍(Honey)同17號陳曉華(Hera) 最突出，黑白美女大對抗！

白滑高妹 陳曉華

17號陳曉華(Hera)由初選開始已被視為大熱，173cm身材高佻，著起泳衣雖然唔算上圍洶湧，但勝在皮膚又白又滑，手長腳長腰長。

特點係長頸？

提到今日望落佢條頸好長，Hera就話呢個都係佢特點嚟！另外佢表示會保持開朗心情，展現自己最好的一面，對於獎項唔諗太多。

黑色暴「乳」何泳芍

之後到另一位大熱、14號何泳芍(Honey)，一身健康膚色喺一眾佳麗中本來已經非常突出，泳衣更將其豐滿上圍完美展露，仲有令人羨慕的腹肌，睇到網民心心眼，簡直係黑色暴「乳」！

身材勁原來因為…

Honey多謝大家稱讚其身材，佢大方稱各佳麗都有唔同長處，而佢覺得自己皮膚黑係一個優秀，因為深色啲似係打咗陰影，個Shape會好睇啲！另外Honey話自己係潛水教練著開泳衣，所以有信心啲冇咁緊張！

中大校花Hera有個明星前男友

介紹番先，中大護理系畢業的陳曉華(Hera)，笑容甚為甜美、身材高佻，靚樣身形好，著咩都靚！前男友仲係藝人狄易達～Hera理所當然地進入最後20強，外界亦視佢為三界大熱！

身高173cm的Hera擁有模特兒身材，同時真係一位兼職模特兒，張張相都美感滿滿，要follow！

美人魚何泳芍

23歲何泳芍(Honey) 果真人如其名，擁有一身蜜糖健康膚色、笑容甜美，感覺好陽光好有活力，難怪初選時謀殺大量菲林！

Honey透露自己係一名潛水教練，難怪一身健康膚色，身形亦係弗到漏！其社交網站中見到唔少索爆泳衣照，真係好期待佢入到決賽！