【港姐2018】17號陳曉華摘后冠鄧卓殷、丁子田封亞、季軍

港姐2018賽果冠軍17號陳曉華

2018年港姐冠軍正式誕生，由17號陳曉華奪得！樣貌身材出眾的陳曉華(Hera)，今夏於中大護理系畢業，更被爆有個明星前男友狄易達！

最後由陳曉華攞咗冠軍，由上年嘅冠軍雷莊兒為佢加冕！

上年嘅雷莊兒正式卸任！

喺才藝表演環節，陳曉華表演空中瑜珈！

現年23歲的20號鄧卓殷(Amber)除了奪得亞軍，仲攞埋最上鏡小姐，成雙料港姐。Amber畢業於港大建築系，現職是是一名見習建築師。在學期間，她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎，同時學咗十幾年中國舞，真係才貌雙全。

亞軍鄧卓殷獲讚泳裝環節騷急才，臨場想到為農夫改新名「播種的機」，引得全場歡笑及拍掌。她謙認賽前做足功課，有找過農夫的背景資料。

決賽當晚，從小習舞的Amber表演強項中國舞，難怪獲星級評判激讚。

Amber笑容甜美，比賽當晚表現自然又有自信，獲亞軍也相當合理！

今屆入選港姐20強的佳麗中，7號丁子田(Sara)來頭最勁，除咗係富二代、提名人係導演張堅庭之外，仲有個喺《BB來了》演陪月員嘅姑媽、甘草女星丁主惠，難怪賽前被視為今屆港姐大熱門！不過她在昨晚表現有點緊張，但仍憑住高貴氣質獲得季軍！

任小學教師的8號陳靜堯雖未入12強，但在較早前泳裝會見傳媒中，獲20位候選佳麗投選佢做「友誼小姐」，可謂先拔頭籌。

入圍5強的候選港14號何泳芍（Honey）和15號陳苑澄表現淡定，發揮到水準，其中Honey未能入三甲有點跌眼鏡，連佢自己都話有少少失望！

身形勻稱的Honey，擁有一身古銅色肌膚，任潛水教練的她被問到如何說服鄭裕玲和汪明荃一齊學潛水，Honey話Do姐身形弗爆，著泳衣絕無問題！

在才藝表演環節，Honey一路唱歌一路玩杯子舞！

15號陳苑澄賽前因挑戰網上流行的「Kiki Challenge」，在汽車行駛時打開車門落地跳舞，將片段上載社交平台即惹來外界抨擊，她事後喊住道歉，而呢晚她表示父母教佢要邊度跌低，邊度企番起身！

關鍵詞