【2018港姐決賽】嘉賓司儀齊搶鏡台上台下爭妍鬥麗！

港姐決賽嘉賓司儀齊搶鏡

今年嘅港姐決賽嘅司儀組合與往年有啲變化，今屆就以Do姐領軍，帶住農夫二人、陸浩明、麥明詩等人做司儀，夠哂人強馬壯！一眾司儀當然就悉心裝扮，華麗出席當晚盛事，Do姐以黑色蕾絲邊deep V 嘅晚裝示人，令企喺正中間嘅Do姐更加亮眼！

至於評判之一嘅李施嬅，就以全黑晚裝到場，穩打穩扎嘅造型，低調之餘亦不失優雅氣質。

貴為星級評判之一、前港姐冠軍陳凱琳同樣以黑色晚裝出席，不過就大開中門露出下半球，成功比李施嬅更搶眼及有睇頭！

當問到有冇俾老公鄭嘉穎過目，鄭太就笑言：「冇啊，佢一向都支持我嘅選擇！」

開中門嘅又點止鄭太一位呢？出名好身材嘅陳煒同田蕊妮都一樣以Deep V 晚裝示人！

至於嘉賓方面，蔡思貝就以一身雪紡低胸長裙谷胸上陣，散發住青春氣息！

李佳芯則以白色入膊長裙到場，裙外再加有一件薄薄嘅紗，盡顯女神仙氣！

單拖到場嘅黃心穎同樣著起入膊款式嘅貼身長裙，裙款上嘅流蘇設計，令其體態份外誘人！

不過，大家咪睇Ali同心穎兩個好似密密實實咁，其實佢哋晚裝嘅大露背設計先係最吸睛嘅地方！美人騷玉背，正呀！

露背嘅又唔止以上兩位嘅，邵珮詩一樣以大露背成功令鎂光燈閃個唔停，唔知大家鐘邊位嘅背多啲呢？

上屆港姐就當然有份成為今屆港姐選舉嘅坐上客啦！不過，除咗上屆冠軍雷莊𠒇著低胸裝外，其餘都係Tube款到場。

朱千雪則與靚湯一齊到場，二人晚裝顏色非常鮮艷兼露出靚靚鎖骨！

雖然當晚張寶兒冇男友袁偉豪喺身邊出席港姐競選，不過依然著上性感晚裝到場，露出事業線。

著住Tube款晚裝嘅張寶兒喺席上彎身拎嘢，逼爆嘅上圍睇到人差啲塞息！

做咗人妻兼媽咪嘅吳若希反而著上大紅色西裝款式出席港姐選舉，顯出另類中性美。