港女福音 林峯 怒撇貪錢吳千語

林峯 全包女友衣食住行

37歲的林峯與 23歲的吳千語在12年因合作拍戲撻着，公開戀情後一直表現恩愛，更曾在受訪時公開講七次「好愛」千語BB！另外多年來林峯對女友照顧周到，衣食住行兼遊埠全包，送名牌、環遊世界又月租九萬豪宅俾女友住。據知15年初，林峯更以6千多萬購入薄扶林一2千五百多呎豪宅，與BB展開同居生活。

未得未來老爺歡心

林峯對女友疼愛有加，正當外界以為吳千語即將成為「廈門新抱」之際，原來背後千語BB一直未能得到男友父親、有廈門李嘉誠之稱的林華國歡心，至今依然兩手空空冇樓冇舖，一層物業都冇收過。更有消息林父曾向友人大呻，話唔鐘意個仔俾人搵笨！

要樓要車要舖

其實在兩人熱戀期間，吳千語要求買名牌、豪遊歐洲等已經係等閒事，佢曾經放風要求林峯先租後買市值過億的舂坎角獨立屋，又想逼男友買部3百多萬的Aston Martin辣跑；吳千語又曾在自己生日前夕，話希望開一間高檔蛋糕店，要求男友送旺舖，不過最後因銀碼太大驚動林父，最後不了了之。

據稱近年吳千語不時向朋友抱怨，指林峯愈來愈孤寒，不如拍拖初期般出手闊綽。但事實係佢自己愈來愈大使，要求一次比一次高，就算林峯頻頻到內地拍劇搵真銀都頂唔順！

林峯 狠斬五年情

近年林峯離開大台，在內地娛樂圈有價有市，劇接劇之餘又上綜藝節目，所以長期與BB分隔異地。男友唔在身邊，吳千語就留在香港同一班富貴朋友夜蒲玩樂，更不時出席飯局認識富豪。忙於拍劇的林峯其實一直不滿女友夜蒲結識異性，兩人關係早有裂痕，日前更有指吳千語早前成功搭上一位中年富商，林峯終決定撇甩貪錢吳千語，揮劍斬五年情！

另外吳千語早前上載了唔少同閨蜜去旅行的照片，照片中佢笑容滿面，似乎心情大好。其中一張仲見到佢拎住一束鮮花，不過當時林峯正在內地忙於拍劇，唔知係咩人送呢？

全文完