港台瑜伽教練Niki曾公開轟前度4宗罪 慘被騙財仲要賣樓貼仔？
廣告
香港電台RTHK的體育節目《港台體壇123》在《全民運動3.3》環節，近日極受網民關注，事源在節目中請了性感瑜珈教練郭雅琪（Niki）。Niki在節目中教觀眾做居家運動，而其中彎腰、拱橋、側身平板等動作，畫面相當吸睛，同時令Niki人氣急升！Niki也瞬即被網民起底，網民發現原來Niki曾經遇過渣男，仲連層樓都俾人呃埋？
Niki曾遇渣男成層樓俾人呃咗？力數4宗罪
網民翻出港台瑜伽教練Niki曾經喺IG大吐苦水呻遇到渣男，狂數前度4宗罪！Niki曾經大爆有一位ex係佢遇過最差的人。
1.首先同佢啱啱開始就叫Niki不斷賣樓俾錢佢投資或者搵人同佢投資，如果Niki做唔到就會冷落佢。
2.又會叫Niki借錢俾佢，同埋問Niki的朋友借錢後唔還。
3.自己呃人仲拖埋Niki落水，因為曾經搶咗Niki張銀行卡叫人過錢俾佢，令人誤會Niki同呢個渣男係同流合污。
4.呢位渣男前度仲要同咗Niki半年仲要出軌，俾Niki發現似乎自己好似先係第3者。
渣男前度對話全公開 不斷被粗口問候
Niki仲喺IG公開晒呢位前度的對話圖，見到Niki叫前度還錢，而呢位前度就不斷用粗口鬧佢，Niki仲公開埋同呢位前度屋企人的對話，指被前度全家呃晒。
網民：玩到賣樓貼仔真係第一人
網民見到對話圖都表示誇張，認為男方鬧到Niki咁樣，Niki仲可以回應同借錢俾佢：「千古定律 男人唔壞女人唔愛」、「點樣可以識到呢種女人」、「希望個ex，真係靚仔我內心好過啲」、「點解啲靚女成日貼錢養仔，然係啲仔又會偷食，食到第二條女，呢啲仔有咩吸引力」、「貼埋大床」、「咁細個有樓？」、「玩到賣樓貼仔真係第一人」、「句句都x條女老x咁」、「好慘cls，比條仔又食又拎，係唔係男人黎」、「真係佩服，真係女人愛賤男」、「條女又覆佢嗰吓好嘢」。
男方疑被追數貼街招 曾微辣show贊助人？
有網民仲大爆男方疑似扮有錢呃女仔，仲係微辣show贊助人，曾經被人追數貼街招，指佢呃人買iphone，「識佢真人，之前以為佢好有，都應該有過下，揸波子戴PP手錶，做人真係唔好貪圖富貴」、「條仔俾人追還錢追到俾人貼街招」。
瑜伽教練Niki IG擁3.6萬粉絲
瑜伽教練郭雅琪（Niki）在個人IG粉絲急升至3.6萬，她亦不時分享自己的生活照，如泳衣照、與寵物生活照、旅遊照，以及在家中示範瑜伽動作的短片等等。
更多瑜伽教練Niki的靚相：
