冇女朋友的日子 洪永城 變貪靚城！
廣告
復合？唔復合？復合？唔復合。分手都就嚟年半，到底洪永城同唐詩詠呢對仲有冇機？目測呢就各有各忙，年半以嚟交集少之又少，唔見又邊有機會翻撻呢？
撰文：東方新地｜圖片：新傳媒圖片、洪永城IG
洪永城變貪靚城
忙啲咩？早排記者至撞正唐詩詠唔使拍劇時一個人做Gym、幫鋪頭搬貨、一個人巡蛋糕店，冇咗男朋友搖身一變女漢子。至於洪永城，冇咗女朋友喺身邊，竟然係貪靚啲喎！拍完微電影《愛情沒有來的時候》、《丫鬟大聯盟》又煞科，近來拍緊《多功能老婆》做第三男主角，戲份唔算多，休息時間變多，難得可以抖吓行吓街，日前洪永城就一個人走咗去兩層高化妝品旗艦店幫自己入吓貨。睇夠買完仲有下場，校啱時間一出化妝品店就有朋友車去到門口等上車。唔通有新歡？錯，同性嚟架！
話晒榮升大台小生，貪靚扮靚是必須的，所以有假放就嗱嗱聲去咗兩層高大型化妝品店慢慢補貨。
原來行街只係攝時間，打電話係叫定朋友出車接，校啱時間唔使五分鐘就有車坐。
過去一年劇接劇無停過嘅洪永城，近來比較優閒，仲去朋友屋企house warming打邊爐㖭﹗
近來洪永城拍緊《多功能老婆》，做第三男主角！
多功能老婆嘅我楊宏立又開工喇，我個Office喺正銅鑼灣利園3期，收工去完shopping，再去dining呢D先係modern lifestyle! #LeeGardensHK #LGHappenings #modernlifestyleexperience #仲有三星期就收工啦
Tony Hung 洪永城（@guruhung）分享的貼文 於 張貼
搞掂，終於可以剪頭髮同剃鬚喇。#煞科 #多功能老婆
Tony Hung 洪永城（@guruhung）分享的貼文 於 張貼
