泰國萬國小姐選舉造型爆趣 網民：比時裝騷更好睇！
撰文：東方新地｜圖片：Instagram
泰國萬國小姐選舉
世界各地嘅選美活動都陸繼舉行，而今屆泰國萬國小姐（Miss Grand Thailand）最吸睛兼引人熱議嘅係特色服裝環節！各位佳麗著起具地方色彩嘅服飾登台，結果就成為全晚焦點及話題所在！事不宜遲，依家即刻同大家一齊睇下有幾特別啦！
十個最搶眼爆趣造型：
各佳麗決賽當晚穿上代表自己府縣的特色服裝進行比賽，最引人注意的是唔少佳麗的造型都非常令人難忘！例如呢位身穿「冬陰公」裝嘅「洛坤府」小姐一手拎匙一手拎青擰，仲要喺台上邊行邊擠青檸，真係少啲力都擠唔到汁出嚟！
呢位佳麗就孭住個巨型風爭出場，唔知大風啲嘅話，位佳麗飛唔飛得起呢 ？
而「孔敬府」小姐則由於想突顯當地發現恐龍化石，於是上演真人版馴龍記，騎住恐龍登場！夠哂搶眼！
起初睇呢位扮美人魚嘅佳麗以為條魚尾唔識郁，但原來識蛻變做真魚尾！靚哂！
呢位佳麗則大嘴鳥上身，但望落就好似有啲機械鳥嘅感覺 ，不過勝在佳麗笑容搭夠，為造型搶番啲分！
遠睇呢位佳麗嘅造型驟眼似識郁嘅西蘭花，但仔細睇之下，就估到佢嘅府縣係山水明媚！
至於呢位佳麗，除咗身上龍舟非常色彩鮮艷外，原來仲會沖奶茶，相信該府縣嘅泰國人應該每個都沖得一手好奶茶！
呢位佳麗一身金光閃閃，又拎割禾刀，又拎稻，仲要有幾隻雀鳥作造型配襯，都幾靚！但見佳麗手舞足蹈咁拎住把刀行，小心變飛刀…
睇到呢位佳麗紅紅綠綠嘅打扮，加支長棍，令小編對「泰式美學」表示佩服！
上屆最佳服裝獎
據知，上屆嘅特色服裝環節中，就由尖竹汶府佳麗扮成「榴槤」造型成功突圍，得到最佳服裝獎！
今屆泰國萬國小姐冠軍
睇完以上佳麗特色造型後，講番今屆嘅泰國萬國小姐，經過來自77個府縣參賽者一輪爭艷鬥麗後，由「猜也奔府」佳麗察娜潘（Nam-oi Chanapan）勝出。
察娜潘可獲得總值約150萬港元獎品，當中包括約28萬港元嘅后冠、住宅及汽車等，同時亦會代表泰國參加10月於緬甸舉行嘅萬國小姐國際大賽。
察娜潘賽後於個人社交網上載跪喺父母面前嘅相，並留言：「終於能夠報答親恩，我們有家了，還有車，爸媽不用再這麼辛苦了！」
今屆泰國萬國小姐五強
望番今屆五強佳麗，位位都五官標緻，輪廓分明，加上笑容親切，真係幾靚！
