延伸閱讀︰

《巨輪II》陳凱琳登場 觀眾插演技浮誇

《巨輪II》負評多 陳凱琳成箭靶

1號關可欣 陪跑居多

睇佢有大細眼就知精神差，明顯狀態不足啦！而且決賽前夕，都未完全修身，陪跑居多！

2號劉穎鏇勁緊張

可能減肥過度，34D上圍縮晒水！問到心情如何，她笑言：「都OK嘅，仲未到聽日，今晚會開始驚，未入到腦。」如果係真，入三甲都凍過水喇！

3號張寶兒 笑容搭夠

張寶兒身高只有5呎5吋，上圍只有31B，唔算標青，但勝在笑容可掬，加上喺英國留學，話唔定係黑馬！

4號代蓮曦丹美 甫士王

代蓮曦丹美絕對係甫士王，好有自信咁側身將S曲線表露無遺，果然識搶鏡！

5號蘇韻姿 狂谷胸

身形細細粒但勝在夠平均，不過可能為搶鏡所以谷胸過度，令胸形睇落唔太自然！

6號馮盈盈 減磅成功

馮盈盈表示為選港姐進行瘦身大計，睇佢又真係成功喎！黃蜂腰、曱甴肚盡現，好吸睛！

7號陳雅思 夠親切

舉止大方得體，而且笑容燦爛，quali又高大學畢業，似乎係三甲熱門人選！

8號阮嘉敏 身高輸蝕

身高只有5呎4吋，而且上圍又唔算好突出，相信入到前四已有交代！

9號陳睿雯 信心爆棚

被指係陪跑嘅陳睿雯，信心十足說：「冇信心就唔參加啦！主要睇聽晚表現，我都諗住留港發展演藝事業，加入TVB。」咁就睇你表演喇！

10號單文柔 面腫腫

身形OK啦，但面腫腫點嘅佢依然有信心說：「自己都滿意，勝在身材平均，要對自己有信心，目前都滿意自己狀態。」

全文完