公開江華拒拍《尋秦記》電影原因 網民：集氣失敗啦！
撰文：東方新地｜圖片：新傳媒圖片庫、江華微博、電視截圖
原班人馬開拍《尋秦記》電影版
古天樂主演的TVB劇《尋秦記》，2001年時創下收視佳績，自此成為神劇，不少人翻看又翻看！《尋秦記》電影版多度傳出開拍，如今終於落實，今日古天樂在《影視博覽2019》上帶領林峯、宣萱、郭羨妮、滕麗名、雪兒等原班人馬登場，令人期待！
項少龍有個19歲兒子
古天樂表示故事發生在電視版結局的19年後，但故事跟電視版是兩個獨立創作，就算演員一樣角色身份都可能有變。唯一肯定跟電視版連接的是項少龍會有個19歲兒子，係咪項羽呢？
網友：冇江華、KC唔算齊人！
不過網友話唔算齊人，事關獨欠飾演連晉、嫪毐嘅江華！劇中嘅江華一開始對主人巨鹿候好忠心，點知被項少龍誤廢右手後被逐出巨鹿候府，唯有投靠他人。途中佢遇到左手劍客嫪毐，經過一輪忍辱負重後終學成左手劍法，仲將真嘅嫪毐殺害，變成心狠心辣之人。
想當年，江華喺1996年由亞視過檔無綫，演出多套劇集皆獲一致好評，演技的確毋容置疑。可惜，江華拍完《楚漢驕雄》後，決定喺2004年離開無綫，返內地拍劇，搵人仔。
公開江華拒拍《尋秦記》電影原因
然而，江華隨後亦繼漸淡出公仔箱，更曾回港從事保險行業。雖然依家冇再做保險員，但佢原來決定唔復出拍戲可能同人生睇法唔同咗有關！皆因回看上年江華微博曾發文：「某天有人對我說…把你尊貴的身段放下, 去拍戲賺生活費吧…你年紀大了, 機會就越來越少了…我回某人一句…謝謝教導！ 」，似乎係領悟出唔好會為賺錢過活而隨便拍戲！
雖然好多網友都話希望江華有份演，但之前江華接受傳媒訪問時表示套劇成為大家心目中嘅經典已經好勁，加上全部演員都已經隨年月而變老，所以其實冇必要翻拍！
仲爭KC陶總管
其實唔止爭江華一個，仲有KC歐瑞偉當年飾演嘅陶總管，都有唔少網民話佢都係要角之一，唔可以冇佢份！不過，相信歐瑞偉應該唔會同江華一樣諗法掛。
即時回顧：
原班人馬最大變化係…佢！
宣萱
相隔19年，宣萱Keep得非常好，就算再拍都無問題！當年她在《尋秦記》飾演敢愛敢恨的烏廷芳，同樣是讓觀眾喜歡的角色！真的十分期待，宣萱更表示知道古仔會續拍《尋秦記》時興奮了幾年，終於等到今日！
郭羨妮
當時郭羨妮的才女人設真的超級有仙氣，事隔19年郭羨妮已經成為人妻兼人母，也離開了無綫，在內地發展。不過郭羨妮這位古裝美人當時真的令人一看難忘，現在依然風韻猶存！
睇番資料，Sonjia拍的第一部電視劇係同古仔合作的《尋秦記》，雖然佢就話自己演技差到唔敢睇，不過其實呢套劇至今依然係TVB經典之一，不知幾多觀眾翻睇又翻睇！不過依家有電影版，相信大家好快唔洗翻睇電視版啦！
滕麗名
滕麗名在《尋秦記》裡面飾演的角色善柔非常硬朗，還要女扮男裝，19年後滕麗名都變成人妻了，更被網民大讚越來越有女人味。當年暗戀項少龍的她又會有怎樣的發展呢？
其實依家43歲嘅滕麗名望落同當年都係冇咩大分別，反而好似仲瘦咗？
雪兒
在《尋秦記》飾演趙國公主的雪兒 (Michelle)自從在2010婚後就少出來幕前，《尋秦記》我見猶憐，44歲的她根本就是凍齡女神，歲月並沒有在她的臉上留下痕跡！
雪兒皮膚直到依家都一樣咁靚，相信平日都應該落唔少功夫！
林峯
不過講到呢十幾年望落變得最多嘅就應該係林峯，皆因佢由當年拍劇嘅黑皮膚變到依家白返晒，就連昨日被問到相隔多年後有咩唔同時，佢自己都話：「我無個陣咁黑！」，認真搞笑！
3｜無記BBQ結局始祖
無記每年至少有2至3套劇集，都以BBQ大團圓為結局，如09年的《ID精英》、《烈火雄心III》、《古靈精探B》，抑或近年的《當旺爸爸》、《造王者》等等。然而網民於11年《尋》劇重播時發現，原來早於01年的《尋》劇已經出現BBQ情節，更被指是無記劇BBQ結局的始祖。
4｜網友惡搞？至於你信不信，反正我是信了
「至於你信不信，反正我是信了」，這句高登金句難道也是出自《尋秦記》的典故？其實純粹是網民的二次創作。
這句典故出自中國鐵道部新聞發言人王勇平先生，於「2011年甬台溫鐵路列車追撞事故」的新聞發布會上，為官方訛稱「掩埋車體是為了救援方便」的說法解話，然後對台下傳媒說：「至於你信不信，反正我是信了。」事後被網民譏諷，而其金句更一時成為中國網絡熱爆流行語。
5｜經典古裝頭 x T-shirt look
劇集播至第3集，項少龍的經典古裝頭crossover t-shirt look再度出現。題外話，古仔於2001年亦憑《尋》劇角色項少龍首度榮登視帝。
6｜變幻樣貌
說到《尋秦記》，自然離不開林峯的變幻樣貌，究竟邊個冒充邊個，真的難以捉摸。
