護士囝囝自願入抗疫隊江華：「我以佢為榮！」網民大讚：難得嘅星二代！

撰文：東方新地｜圖片：麥潔文微博、陳耀淙Facebook

江華大仔棄娛樂圈決定做…

57歲江華原名陳木華，與和麥潔文的大仔陳耀淙（Bryan），現時於醫院內科病房任職男護士，近日新型冠狀病毒肆虐，公立醫院以抽籤方式決定抗疫隊照顧確診病人的次序，而Bryan就是自願進入隔離病房的其中一位。江華在受訪時表示，以Bryan的決定為榮，因為兒子的工作，就是救人，如果在這時候他只是呆坐家中，他會更心痛。

Bryan已有一段時間沒有與父母正面接觸，回家第一時間去沖涼，之後在自己的房間自我隔離，為免有機會將病毒傳染給家人。（圖片：新假期周刊）

網民回應：樣子十分正氣，值得敬佩

「。樣子十分正氣，值得敬佩、盡忠職守的良心護士，香港很需要你敬業樂業的精神。
。多謝你！❤️❤️❤️多謝所有緊守崗位的醫護及前線工作人員！👍🏻👍🏻💪🏻💪🏻祝身體健康！平平安
。Salute! 好好保護自己
。江華有個令人敬佩嘅好兒子，多謝晒！
。真的好靚仔，心善人美」

「冇諗住繼承父母衣缽」

現時57歲嘅江華近年淡出娛樂圈，而屬星二代嘅仔仔陳耀淙（Bryan）如今長大成人，但就竟然冇諗住繼承父母衣缽入娛樂圈做明星！

26歲嘅Bryan個樣生得似爸爸江華，但就曾表示自己遺傅唔到父母演藝天份，所以冇興趣加入娛樂圈發展。

雖然係咁，但Bryan就天生有助人之心，除感嘆現今香港醫護因人手嚴重不足問題外，亦喺大學完成護士課程後隨即投身醫護界，做護士為社會大眾服務，認真唔話得！

延伸閱讀：

江華狂脫髮 M字額

現年55歲嘅江華自從04年嘅《楚漢驕雄》後，轉戰內地好耐冇喺香港幕前出現，原來近年佢轉行賣保險，年輕時風度翩翩嘅江華迷倒不少師奶，而且一直都畀人話同劉德華似樣。2015年江華曾經喺微博上載咗兩張同劉華嘅合照，兩位型男望落同樣成熟有型，江華又的確同劉華有幾分神似！

兩個人對上一次合照已經係2003年。

當然唔少得小編自家製嘅世紀合照！

近年見江華出親街都成日戴帽，原來係因為佢正面對中年危機—脫髮，真係男人最痛！

昨日江華喺微博上載咗一張自拍照，相中嘅佢身穿白色背心戴住口罩，見佢忽然剷走一頭長髮，睇真啲，原來因為脫髪頭頂現M字額，江華留言：「在意別人的評價，往往會在別人的逢迎誇獎中作出錯誤的決定，也會在別人的口誅筆伐中潰不成軍。」啱嘅，大方面對其實仲有型仲瀟灑！

江華今年4月出席了一個喪禮，事後佢有所感觸話要珍惜生命及眼前人，仲上傳同老婆麥潔文合照！

雖然55歲男人，估唔到江華同時下少女一樣都熱愛P圖！

早年江華夫婦一直甚少讓一對子女曝光，不過江華近日罕有貼子女近貼！

見到鏡頭，江華不慌不忙保持鎮定仲要好有台型，凌厲眼神睥完你、再伸手整個劉華式民間特首手勢打招呼。事實勝於雄辯，唔好再話江華鍾意扮劉華，江華根本就係劉華，OK？

第一眼見到有個反笠頂帽、全身黑色、輪廓分明嘅有型大叔，係唔係十足十劉華先？

望真啲，原來係前度師奶殺手現職保險的江華，畀人話似劉華講足30年，小編都唔識分，到底佢係扮，定係做緊自己。

雖然淡出娛樂圈，江華見到鏡頭依然淡定，仲整多個民間特首一樣嘅氣勢手勢，同小編打聲招呼先。

打完招呼上到車準備開車走，繼續劉華上身，勁chok，全套動作一氣呵成、登台一樣，就算係真劉華出場，小編都懷疑有冇做得咁流暢！

江華戴老花鏡

江華早年因為腰腿傷患淡出幕前，除咗開班教人做戲，近年仲忽然轉行做保險經紀，佢話做保險都係玩票性質，而且可以識多啲朋友，仲有唔少fans特登上門搵佢買保險！早前見佢約埋男友人一齊落又一城行街睇書，雖然江華鍾意扮劉華，成日畀人讚佢仲係美魔男，不過話晒都年過半百，呢日去到書店打書釘，江華就要戴上老花眼鏡先睇得清楚。