江若琳結婚3周年食魚蛋粉慶曬恩愛 事隔幾日因為一件事險釀家變

文：東方新地 ｜圖：IG@elannek930、IG@siupongoscar

結婚3周年食魚蛋粉慶祝

江若琳（Elanne）在2018年與蕭唯展（Oscar）舉行浪漫婚禮，無論婚前婚後，都不時在網上放閃。日前Oscar就在IG大讚老婆是「真正女人」：「她以為我今天工作，沒有準備結婚週年晚餐？你知錯啦？我真係準備咗㗎，呢間好難book㗎、希望你鍾意。每粒魚蛋都代表我對你嘅愛，加埋有九粒魚蛋代表長久。真正女人先會陪你食魚蛋粉。」原來Oscar帶老婆Elanne到粉麵店食魚蛋粉慶祝結婚3周年。

Elanne：我嘅世界有你就有陽光

雖然結婚3周年要食魚蛋粉慶祝，但Elanne不但不生氣，反而在IG讚老公：「先生好忙，結婚周年紀念日在慈雲山明記畫上完美句號。今日好多人問我：『今晚去邊慶祝？』我話：『無。』佢哋仲話：『可能有驚喜呢？』我話：『真係唔會有㗎，死心啦，我哋係一對零儀式感嘅夫妻，因為……天天都是情人節﹗好想嘔呢﹗先生，知道你最近工作好忙，好辛苦，呢個就係我最好嘅禮物，你加油。」而Elanne早前亦趁結婚3周年正日在IG貼文感謝老公：「3年前恭喜你娶咗我，3年後恭喜我自己嫁咗俾你（好真心）。短短3年，多謝你陪我經歷最難捱嘅事，你呢份勇氣好值得欣賞！結婚嗰陣，你話要做一棵蘋果樹。呢3年喺呢棵樹嘅護蔭下，我個心好安心，亦好開心！先生，多謝你！你係全世界最好嘅人類！我唔知道我可唔可以迎接到雨後彩虹，但我確定我嘅世界有你就有陽光。」

險釀家變

幾日前，Elanne先同Oscar曬完思愛，豈料事隔幾日態度180度轉變，Elanne更直言除釀婚變：「終於搵返集結婚戒指，呢幾日差D家變。點解會跌左係人地餐廳地下。」

【江若琳 Elanne】我哋結婚喇！#人生最美好的一天（2018年12月23日）

https://www.youtube.com/watch?v=nLXj0zaEIQ8