江嘉敏對羅子溢嗒曬糖 東張主持急急解圍 網民睇到超尷尬!
廣告
近日,郭晉安、陳曉華、羅子溢(羅仲謙)和江嘉敏等人在機場酒店拍攝《金式森林》的一場家族慈善晚會戲份。《東張西望》團隊也到場採訪,江嘉敏在接受訪問時被爆對羅子溢「甜絲絲」,一出場仲不斷發花癲,睇到網民都好尷尬…
《東張》主持爆江嘉敏對羅子溢「甜絲絲」
在一次訪問中,鄧凱文替江嘉敏向羅子溢表達好感:「其實佢(江嘉敏)同我哋講咗個祕密,佢話唔同你講得嘅,佢話好開心可以同你合作,佢甜絲絲咁講。」主持一講完,羅子溢即刻停了一停,身旁的何依婷和何廣沛就報以迷的微笑,兩人在旁一起食花生。羅子溢之後回應指:「但我平時同佢對戲我feel唔到」,引起了現場一陣大笑。
![江嘉敏 當聽到主持話江嘉敏對羅子溢「甜絲絲」,何依婷和何廣沛就在旁食花生!(圖片來源:TVB 《東張西望》截圖)](https://imgs.orientalsunday.hk/wp-content/uploads/2024/07/-tvbusa-1-13-screenshot_11900962176690b0f7093bf.jpg)
江嘉敏花癡上身接受訪問
隨後鏡頭一轉,就見到發福不少的江嘉敏加入訪問,邊入鏡邊笑稱:「早知唔亂講嘢啦!」她接著不斷地尖聲大笑,情緒難以控制。鄧凱文追問江嘉敏對羅子溢的感覺,江嘉敏則笑著回應:「好尷尬,唔好望住我,好怕醜依家」,令旁觀的羅子溢也感到不好意思。
![江嘉敏 發福不少的江嘉敏一出場就瘋狂大笑。(圖片來源:TVB 《東張西望》截圖)](https://imgs.orientalsunday.hk/wp-content/uploads/2024/07/-tvbusa-1-17-screenshot_17524627756690b1083ac32.jpg)
![江嘉敏 羅子溢即刻彈開,同江嘉敏保持距離。(圖片來源:TVB 《東張西望》截圖)](https://imgs.orientalsunday.hk/wp-content/uploads/2024/07/-tvbusa-1-28-screenshot_21465116866690b10b8e55f.jpg)
![江嘉敏 江嘉敏成個訪問都不斷傻笑,在旁的羅子溢則都好尷尬。(圖片來源:TVB 《東張西望》截圖)](https://imgs.orientalsunday.hk/wp-content/uploads/2024/07/-tvbusa-1-43-screenshot_18192823276690b110b5b69.jpg)
東張主持助兩人化解尷尬
為了緩和氣氛,鄧凱文提議兩人合照留念,羅子溢則表示:「嘉敏好畀面我。」他們一起擺出搞笑的姿勢拍照,江嘉敏則繼續以高分貝的笑聲回應,場面十分歡樂。江嘉敏坦言,如果早知道會這樣,她就不會透露自己對羅子溢的欣賞之情了。
![江嘉敏 最後東張主持為了圓場,叫羅子溢同江嘉敏合照,羅子溢都非常識做,即刻搞鬼擺Pose合照。(圖片來源:TVB 《東張西望》截圖)](https://imgs.orientalsunday.hk/wp-content/uploads/2024/07/-tvbusa-2-4-screenshot_3654813016690b11f1d49f.jpg)
一齊睇訪問片段:
江嘉敏緋聞多多被封為「姣精」
江嘉敏在演藝圈中以「姣精」之名聞名,出道多年來都有傳言指她與富二代有染,甚至有合作過的男演員為了避免與她接觸,但曾與她有對手戲的謝東閔卻表示:「完全get唔到」,更只當江嘉敏係男人。
![江嘉敏 江嘉敏出道以來緋聞多多,被稱為「姣精」。(圖片來源:IG@kaman_kong)](https://imgs.orientalsunday.hk/wp-content/uploads/2024/07/image-9521777_7679330076690b25e7ecca.jpg)
圖片來源:IG@kaman_kong、TVB《東張西望》截圖