江嘉敏村姑Look重現！重溫江嘉敏《福爾摩師奶》齊蔭頭造型

文：東方新地｜圖：東星圖片、《福爾摩師奶》截圖及江嘉敏IG圖片

江嘉敏：監製話我珠圓玉潤

江嘉敏日前出席新劇《黯夜守護者》試造型活動時，以一頭齊蔭馬尾Look加黑色皮褸、長靴造型現身，重現了她在2019年劇集《福爾摩師奶》時的齊蔭頭「村姑Look」。

提到早前在社交網上載被男友Anthony「公主抱」的照片，江嘉敏笑言是送給男友30歲的生日禮物：「我平時出post要收錢㗎！我梗係覺得好Sweet，不過佢叫我要減吓肥，因為拍嗰陣NG咗十幾次先拍到，見佢抱起我個樣都有少少猙獰！」

江嘉敏笑指自己已努力減了十多磅，但體重依然有過百磅，她表示：「《食腦喪B》嘅監製叫我唔好笑咁多，話我笑得多塊面會好『珠圓玉潤』，所以剪咗我好多鏡頭。」

江嘉敏又透露1月將會上J2新節目《野外步出》做嘉賓，一邊登山一邊呼吸新鮮空氣，相信對她減肥亦有幫助。

早前台慶江嘉敏曾性感谷胸上陣，她直言全靠努力做咗一星期運動，仲食咗好多菜，先Keep得住咁Fit嘅身形！

《福爾摩師奶》演齊蔭村姑

2019年無綫民初劇《福爾摩師奶》中，江嘉敏曾以一個齊蔭頭造型飾演村姑「丁曉堯」。

本身喜歡清爽髮型的江嘉敏，當年為拍劇首次嘗試剪齊蔭頭扮村姑，配合一對孖辮，獲網民大讚好有鄰家女孩Feel。

當時江嘉敏自稱「齊蔭敏」，直言當時的自己「口腫面腫」，但都「瘦過而家」，仲笑評「齊蔭係細個少少嘅」。