死侍想入復仇者聯盟？鐵甲奇俠回覆⋯⋯
廣告
Marvel大片《復仇者聯盟：無限之戰》上月25日在港上映，上畫12日票房就衝破1億1千8百萬港元，火速成為香港史上最高票房榜第3位，也是史上最快衝破1億票房電影，連即將有獨立電影上映嘅「死侍」(Deadpool)飾演者賴恩雷諾士(Ryan Reynolds)都想加入「復仇者聯盟」，不過咁，「鐵甲奇俠」東尼史達(Tony Stark)就回覆佢話⋯⋯
撰文：東方新地｜圖片：電影劇照、網上圖片
《死侍2》 下周二上映
Marvel英雄死侍靠著出口成髒出名，在漫畫中更有穿梭X-Men和復仇者世界的能力，在電影中更是以各種挑戰道德底線的畫面和台詞深受觀眾喜愛。儘管首部獨立電影《死侍：不死現身》是為限制級，仍在全球票房勁收7.83億美金，更成為入圍金球獎年度最佳影片(喜劇或音樂類)，而《死侍2》將於5月15日在港上映。
去年迪士尼從FOX手中買回死侍版權，使得死侍一角有機會回歸Marvel宇宙。當然，這並非短期內嘅事，至少喺《復仇者聯盟4》都唔會見到死侍搞怪嘅身影。不過近日死侍飾演者賴恩雷諾士(Ryan Reynolds)就延續其搞怪作風，在Twitter上上傳咗一張「鐵甲奇俠」(Iron Man)拒絕佢加入復仇者聯盟嘅回信。
死侍在郵件中標明申請「加入復仇者聯盟」(Joining the Avengers)，而東尼史達嘅回覆非常簡單直接，只得八個字：「No. Absolutely not. Go bother Prof. X. No.」(不行。絕對不。去煩X教授吧。不行。)最後還附上佢嘅親筆簽名，斬釘截鐵嘅拒絕令網友都大讚非常「Tony Stark」！
