歐鎧淳獲提名「最佳新演員」：我覺得自己唔值得
廣告
歐鎧淳踩入電影界！《第37屆香港電影金像獎》早前公布提名名單，其中「最佳新演員」中有一個備受爭議的名字，就係有「美人魚」之稱的香港女飛魚歐鎧淳！歐鎧淳去年在電影《春嬌救志明》中處女登場，與余文樂有一場幾分鐘的戲份，對白得6句，難怪歐鎧淳回應傳媒時都承認：「我覺得自己唔值得呢個提名。」
撰文：東方新地
圖片：《春嬌救志明》劇照、Instagram
歐鎧淳踩入娛樂圈
歐鎧淳係本土出晒名的游泳運動員，因甜美樣貌而被封為「美人魚」，近年歐鎧淳更踩入娛樂圈，除了不時客串做模特兒及出席活動外，去年更在《春嬌救志明》中首度現身大銀幕。歐鎧淳在電影中飾演一個踩電動獨輪滑板的少女，以背心短褲仔示人，晒小蠻腰又晒長腿～
歐鎧淳入圍「最佳新演員」
歐鎧淳在片中只有六句對白，其中一句「我無乜運動天份。」由貴為香港多項游泳紀錄保持者的歐鎧淳講出來特別好笑！不過歐鎧淳在呢場戲的大頭鏡頭只得幾十秒，講幾句對白，發揮又唔見得有咩特別，令網民不禁質疑佢入圍「最佳新演員」！
歐鎧淳謙虛回應
歐鎧淳日前回應傳媒時，表示對獲提名感到相當驚喜，稱自己完全想像唔到，覺得係一件幸運的事。同時佢亦好謙虛咁話，覺得自己唔值呢個提名。
爾冬陞點睇？
對於歐鎧淳獲提名受質疑，金像獎主席爾冬陞回應傳媒時就話，有時演員的戲份多與少未必係重要，重要的是令觀眾留下印象！咁大家覺得歐鎧淳有冇令人留下深刻印象呢？
延伸閱讀：
