樂宜大玩「男友視角」曬床照表情多多中門大開谷出Y字深溝
廣告
31歲的人氣「DJ女神」樂宜一向性感過人！不時都會在IG發放福利，近日又搞搞新意思，躺在床上拍片兼影相大玩「男友視角」，中門大開夠曬吸睛！
樂宜曬床照表情多多中門大開超「胸狠」
樂宜曬出多張自拍表示：「關於男友視覺這回事⋯」，去到今朝，樂宜又再在床上拍片同大家講早晨：「GOOD MORNING 早安，姐姐的寶寶們」。影片中，樂宜身穿浴袍，側躺床上的擺出唔同表情，伸脷、整頭髮、甜笑樣樣齊，非常誘惑！此外，更見到她中門大開成功谷出超深長Y字事業線，果然「胸狠」！
樂宜玩「真空」騷火辣曲線
樂宜向來性感，今次就更加「暴力」，見她在對鏡自拍，上半身全真空，雙手揸機咁啱遮住私隱部位，但成個畫面都好誘人！火辣曲線表露無遺，有指原來她自資推出豐胸產品，更用自己做「生招牌」，於是不穿內衣，展示最真實效果！網民紛紛留言：「確定過眼神 是醉了」、「索到核爆呀」、「不會黃標嗎」。
樂宜長髮look好清純
樂宜連發多張長髮泳衣靚相，表示：「姐要變回長髮了」，一眼就睇到樂宜轉了長髮多了幾分清純成熟感覺，而螢光粉的水著亦非常養眼！對於呢個新look，網民紛紛留言：「一齊去駁髪」、「長髮更正」、「短頭髮好睇啲」。
網民發現樂宜下身「有樣嘢」消失！
另一方面，有眼利網民發現樂宜下身「有樣嘢」消失，「紋身去曬邊度？遮咗？」、「大脾D公仔呢？」。從之前樂宜福利照可見，雙手同雙腿的紋身非常搶鏡，可能今次係刻意遮住紋身。不過，亦有網民補充之前樂宜在3月晒水著時，都有試過遮紋身，唔知大家鍾意邊一個look多啲呢？
圖片來源：IG@lok_lokyi、IG@lok_lokyii
