楊潮凱囡囡滿月喇！阿凱幫B女影公主造型相

楊潮凱嘅囡囡今日滿月，阿凱充當攝影師幫BB影造型照，囡囡瞓咗喺薄紗上面，仲戴住一個皇冠頭飾，非常可愛。楊潮凱透露呢張咁靚嘅寫真相係由佢親自操刀，影到囡囡咁靚，果然係囡囡嘅前世情人！楊潮凱留言：「彌月之寫真我的小天使，恭喜您（你）滿月喇！您（你）要健康快樂啊！爸B咩都唔識，淨係識影下（吓）相，希望您（你）大個睇返（番）呢輯相會喜歡啦！#好性感##彌月之禮##其實影BB真係好難##Catharine#」！

榮升新手爸爸的阿凱，近來不時分享B女的近況，阿凱親自操刀任囡囡的攝影師，幫這位前世情人影寫真，作為送畀囡囡的第一份禮物，真係好有愛啊！

減輕太太壓力

楊潮凱真係廿四孝老公，日前他在IG 即時動態表示，太太生完BB情緒較波動，所以他們把BB床放在房間，方便照顧！而阿凱更親自下廚煮飯及糖水，幫輕太太，見阿凱煮的餸菜賣相很好，相信太太也很心甜！

阿凱煮的餸菜雖然都係家常菜，但賣相都不俗，相信他平時也有下廚的習慣！

晒囡囡「黃金子彈」

阿凱除了下廚畀太太食，還會幫手換尿片，早前佢喺IG貼相及留言話誤中囡囡便便：

楊家槍擊案案發現場

楊生：「楊小姐，就呢件事可唔可以解釋下？」
楊小姐：「……」（擰轉面不願上鏡）
馬龍白蘭度表示遺憾。

#新手爸爸之日常#呢一槍焦耳好大#點解可以射得咁準同咁遠嘅#真係好孝順#黃金子彈

相信無幾多個爸爸可以抵擋小情人的魔力，阿凱都唔例外！早前佢就上載咗同囡囡對望的照片，留言寫到：「望著你，頓時發覺沒有什麼比你更重要。」好甜蜜呀！

楊潮凱BB出世

楊潮凱喺FB上載抱B照，父愛洋溢！佢仲留言話：「感謝神，賜給我這可愛的小天使。多謝太太，承受了這極大的痛楚，我愛你。小天使，你要身體健康！快高長大啊！爸爸媽媽永遠愛你！」雖然阿凱無公開BB性別，但BB用粉紅色被仔包住，唔知係咪囡囡呢？

以超聲波照報喜訊：「我會好好照顧你同BB！」

楊潮凱與太太江玉儀是初戀情人，二人於2013年結婚，結束長達11年的愛情長跑，楊潮凱去年十月於社交媒體張貼超聲波相報喜：「各位親愛的朋友們，今天我有一個開心的消息宣佈 — 『我做爸爸喇！』感謝太太，往後的日子我地有排學喇！我會好好照顧你同BB。」BB未出世，阿凱已經話要為家人努力賺錢，誓要做個好爸爸，睇來BB會有一對好愛錫佢嘅父母！如今為家庭添加新成員，實在可喜可賀。

眾星好友賀結婚楊潮凱當年淚灑婚宴

楊潮凱與初戀女友拍拖11年，終在2013拉埋天窗。人緣甚佳的阿凱當年筵開42席，獲眾多圈中好友擔任兄弟姊妹團，包括胡杏兒、香香、鍾嘉欣和鄭俊弘等。在新人感言環節，楊潮凱更一度因感觸流下男兒淚，幸得在旁的新娘為他擦眼淚，讓在場觀眾非常感動！阿凱當年於婚禮上發表愛妻宣言，他感謝老婆在工作上給他無限量的支持，就算知道做藝人人工不多，都支持他參加訓練班，踏上追夢的路。

捱足8年終上位感激太太不離不棄

楊潮凱醉心於演戲，多年來於TVB打滾，就是為了等待擔正做男主角的一天。自從在《天與地》中飾演年輕版陳豪，楊潮凱的演技終於得到賞識，去年他曾於IG分享事業上大突破：「這幾年一步一步，默默耕耘，努力裝備自己，盡力把握每一個機會，直到今天信念從無動搖。今天，我想同大家分享我的喜悅，我第一套擔演男主角的作品要同大家見面喇！」入行8年第一次擔正的阿凱坦言，見到主演劇集《降魔的番外篇-首部曲》海報時感動得想哭！

楊潮凱得到今時今日的成就，全賴他的堅強信念，以及老婆江玉儀的不離不棄。從事教育的楊太一直是阿凱的最強後盾，二人多年來亦一同分擔經濟負擔，今年阿凱事業和家庭都有突破，絕對是喜事多的一年！

二人相愛十多年，祝福他們組成一家三口後更幸福！

關鍵詞

楊潮凱棟仁的時光

楊潮凱囡囡滿月喇！阿凱幫B女影公主造型相