楊埕爆男友出軌 喪鬧「港姐M」橫刀奪愛 7位最大可能嫌疑人！
楊埕爆男友出軌喪鬧「港姐M」
日前，楊埕突然喺IG發火，留言鬧爆某香港小姐指：「不懂得拒絕女生的男人非斬不可！當女友在旁，照顧所有朋友是盡顯風度。出雙入對只照顧一位剛認識的是盡顯風流！作為女生有自信是好事但莊閒要識分！」，更hashtag「「#其實成班女仔一齊你有需要被特別看待？」、「#互相集兵互相了解」、「#港姐MissM」及「#MrW」！
言詞中，Sabrina雖冇直接提到「港姐MissM」同「#MrW」係邊位，但明顯矛頭直指有人橫刀奪其愛！其後，Sabrina回應指事件係喺自己生日後發生，至於喺網上鬧爆MissM，係因為覺得身為有啲名氣嘅港姐就更應該懂得尊重別人！
之後，Sabrina再次喺IG story甫出唱K短片，片中就打住：「容忍的人其實並不笨 只閃寧可對自己殘忍 既然愛不能恆溫 祝福就給你下一個人」，似乎係借機對男友出軌舒發個人感受！
慶祝完生日竟然發現男友出軌，相信係人都會嬲爆！雖然圈中人緣甚好嘅Sabrina並冇進一步透露Miss M係邊個，但就憑「港姐」二字再加「M」字其實唔難發現7位最大嫌疑人！
7位最大可能嫌疑人：
｜劉佩玥（Moon）
29歲嘅劉佩玥係2013年香港小姐季軍，雖然阿Moon入行以來緋聞多多，更被稱為「收兵」高手！
不過，前年就爆出阿Moon同「巨聲幫」大孖周志文秘戀，二人更愈愛愈高調，不時唔避嫌一齊孖住出席友人眾會及活動！
｜阮嘉敏（Mandy）
27歲嘅阮嘉敏係2016年香港小姐選舉嘅10強之一，落選後加入無綫，更被火速安排擔任《東張西望》外景主持。近年更多咗幕前機會，除先後喺7套劇集中客串出演，亦有綜藝節目演出機會，例如喺《美女廚房》中擔任其中一位美女學徒！
憑著甜美樣貌及姣好身材，Mandy一直深得唔少男網民支持及愛戴，而識做嘅佢平日亦愛喺IG派福利晒靚腿！
｜邱晴（Mandy）
參選2017年香港小姐競選嘅Mandy曾被稱為「嫩版李珊珊」，可惜都係八強止步，賽後因樣貌甜美而被受網民歡迎！
Mandy被TVB力捧，擔任《Think Big天地》主持，平日亦鍾意喺IG晒靚相，而白滑嘅佢最愛都係晒腿！
｜麥美恩（Mayanne Mak）
Mayanne雖然只係2011年香港小姐殿軍，不過就憑開朗、唔造作兼風趣幽默嘅傻大姐性格而成功受大眾歡迎！
娛樂主播許文軒（Edmond）就係Mayanne一直嘅唯一一位緋聞男友，早前Mayanne更喺節目《流行經典50年》中公開示愛，唔知Edmond係真命天子定係煙幕呢？
｜文凱玲（Connie Man）
文凱玲曾參選2010年度香港小姐競選，不過最終名落孫山。然而，文凱玲早前憑劇集《荷里活有個大老千》中飾演純情玉女「明珠」而成功入屋，而戲外佢就有位貌似藝人陳浩民的中佬男友！
上個月，文凱玲及男友就被本刊野生捕獲，二人一齊拍拖坐火車返男友新界寓所，雖然Connie對住唔屬高大俊男、冇車要坐公交代步嘅平民男友，但女方仍然每刻甜入心！因此，熱戀中嘅佢相信會撬人長腳機會極微！
｜麥明詩（Louisa Mak）
27歲嘅10A港姐麥明詩係2017年嘅港姐冠軍，16年宣布與拍拖近三年嘅林作分手後一直單身，但早前曾揚言自己正積極搵新感情！
不過，工作忙碌嘅Louisa之前為慈善由香港踩單車去柬埔寨，期間更與隊友單車手胡健燊（Jack）傳緋聞，所以暫時嫌疑唔大！
｜黃智雯（Mandy）
貴為無綫花旦嘅黃智雯曾參選《2007年度香港小姐競選》並入圍最後五強，不過眾所周知Mandy同任職珠寶公司高層嘅男友Anthony一向感情穩定，拍拖7年只差拉埋天窗，所以雖然係嫌疑人之一，但撬長腳嘅機會不大！
話說，2015年Sabrina曾與錢小豪兒子龐景峰拍拖，可惜二人兩年後宣布分手，之後女方注專工作。早前，Sabrina投資百萬開美容院，再與友人經營時裝頻度，最近更宣布開設自家製作公司，似乎係想開電影捧自己做女主角！
即時回顧：
楊埕做周勵淇秘書
楊埕早前在無綫劇《再創世紀》中，飾演一名內地富二代千金「王子琳」，將會來港工作歷練，並擔任周勵淇秘書，有不少戲份。
#再創世紀 生存在首富公司遇上金融風暴 #王子琳 到底是一個怎樣的人？ . . . . #tvb #hkartist #周勵淇 #楊埕 #dramaseries #tvshows
楊埕sabrina（@yeungchinggg）分享的貼文 於 張貼
日前喺宣傳活動上，楊埕透露自己第一次拍劇：「我之前未演過劇集，今次係一個好大嘅挑戰，一入嚟TVB就接拍全年最犀利嘅劇集，有好多好有經驗嘅前輩一齊拍劇，我要極速地好似海綿要吸收好多各方面嘅事。」問到佢係咪想做TVB「親生女」？佢話：「希望啦，一路都會有劇集上，睇吓TVB會唔會畀多啲機會我，可能會做親生女㗎，我覺得TVB都係一個好好嘅平台。」
問到楊埕第一次拍劇有冇畀導演鬧？楊埕指劇中大家關係好似一家人一樣：「我覺得監製、導演同演員佢哋都好錫我，以我一個新人嚟講，乜都唔識，好多事情要佢哋指點我，佢哋都畀好多機會我嘗試，所以真係好感謝佢哋！喺深圳開工時我哋一班演員仲會聚埋一齊討論附近有乜好食，大家好融洽，好似一家人，冇唔舒服嘅感覺。」
. 💗#再創世紀💗 雲集各年代美女帥哥演員 #強不強 我的第一套 明晚9:30第一集開始啦
楊埕sabrina（@yeungchinggg）分享的貼文 於 張貼
曾打入港姐16強
楊埕在2014年的港姐選舉中，曾打入16強，並成為大熱門之一，被封為「清純張栢芝」，但中途因同前唱片公司合約問題而退選，翌年佢再代表香港參加在日本舉行的《國際小姐》競選，但並未能得獎。
2014年港姐冠亞季軍為邵珮詩、王卓淇及何艷娟，早前何艷娟舉行婚禮，楊埕亦有份做姊妹。
龐景峰舊愛
楊埕和藝人龐景峰自2015年拍拖，宣布分手，之後楊埕注專工作。
楊埕曾在美國安得烈大學修讀心理學和營養學，並在前年到北京中央戲劇學院修讀戲劇表演系，參選期間楊埕就透露過自己曾演出舞台劇《風之后》和電影《重口味》，前年仲拍一部電影《五月》。除了在《再創世紀》處女拍劇外，仲先後拍下《白色強人》、《十二傳說》同《兄弟》等劇。
.#兄弟 一齊開工倒數Xmas 🤤🤤🤤 . .#tvbdrama . . . #楊埕 #sabrinayeung #王浩信 #白雲 #許家傑 #tvbartist
楊埕sabrina（@yeungchinggg）分享的貼文 於 張貼
又客串過《愛·回家》。
楊埕仲不時在社交網晒靚相，向粉絲大派福利。
楊埕新劇演病人 帶頭套變火星人
楊埕早前為無綫新劇《白色強人》進行拍攝，飾演一個腦部有事、要接受手術嘅病人。而今次病人的造型是需要戴頭套扮光頭，結果戴上頭套嘅楊埕，就被網友指她變咗個火星人！好！事不宜遲，有請火星人楊埕！
今次楊埕巧遇江嘉敏之餘，又將除頭套嘅過程拍低，並將短片放上社交網同網友分享，點知網民都話佢似足個火星人，仲話地球是很危險的，叫佢快點回去火星。
趙薇都試過光頭
其實以往都有女藝人都試過帶住頭套扮光頭，當然經典之最嘅就一定係《少林足球》入面由趙薇所飾演嘅阿梅喇！
「清純栢芝」楊埕
楊埕稱得上做「清純栢芝」個樣就緊係有番咁上下靚啦，平時都係靚住出鏡，睇相有啲角度望落又真係有幾分似栢芝。
