楊冪出道相瘋傳被質疑整容 網民：打死唔信佢冇整！

撰文：東方新地 圖片：網上圖片、新傳媒圖片 、微博@楊冪工作室、微博＠娛樂蜀黍

楊冪 《築夢情緣》被封「括號奶」

內地民初劇《築夢情緣》由女星楊冪與霍建華主演，唔少人大讚楊冪演技再有進步，仲大讚佢好身材，事關楊冪喺劇中以吊帶褲襯恤衫的造型真係逼爆件衫，充份突顯其豐滿身材，而胸上兩條吊帶似足括號，有網民畀咗個「括號奶」嘅稱號佢！

楊冪被翻舊照

可能人氣太高，楊冪又被翻舊相，楊冪數張剛出道時影嘅寫真照被挖出及瘋傳，網民當然研究佢嘅髮型同樣子，髮型唔使問梗係老土，有人話佢個樣同依家分別不大，也有網民就指出她曾經「微調」過，有定冇大家自己研究啦！

網民點睇：

由細靚到大

膚白貌美的楊冪經常成為內地的討論話題，就連她小時候的照片都引起了很大的騷動，其實佢從小就是美人胚子，五官是沒有改變，小時候有對水汪汪的大眼晴！

雖然關於楊冪整容的傳聞很多，不過看她從小就有這麼漂亮的五官相信整不整都已經很漂亮。

楊冪零P圖照指 被老咗十年

今年31歲嘅楊冪有著女神級嘅樣貌同身材，上圍夠勁美腿夠長，演技亦備受讚賞，站穩一線花旦之位！

喺內地熱播緊嘅劇集《談判官》中，楊冪同黃子韜發展一段姊弟戀，兩人談情期間黃子韜用手輕撥楊冪秀髮，咁就出晒事啦！本來成個畫面好溫馨，但黃子韜一撥就揭露咗楊冪嘅超高髮線，成個額頭完全露出，「禿頭」疑雲再現！

其實楊冪之前喺《三生三世十里桃花》要女扮男裝，所以頭髮全部向後梳，嗰時已經有好多網民嘲笑佢髮線太高！當時楊冪仲喺微博自嘲：「我是一個禁不起批評的人，如果你們批評我……我就去植髮。」

在古裝劇《扶搖》和《三生三世十里桃花》中，楊冪的造型也非常吸睛，相當有古典美。

憑《三生三世十里桃花》紅到來香港，仙女般的的氣質加上好像洋娃娃一樣的精緻五官，讓人想不記得都不行！

新戲海報曝光 楊冪全素顏嚇親人

楊冪主演電影《寶貝兒》的海報看得出全素顏的楊冪「最真實面貌」終於曝光了。楊冪在電影海報中是沒有上妝，近距離看還能看到臉上肌膚的細紋，無血色咀唇及唇紋。

楊冪在劇中扮演一個有嚴重先天缺陷的棄兒「江萌」。

有網民激動留言：「楊冪你終於變醜了！而且又土又醜！」不知道這位網民是因為期待了楊冪的「真面目」很久，還是只是說笑一下呢？

其實早在2016年時楊冪參加實境節目《真正男子漢》第2季，已經被要求全臉卸妝，卸妝後膚色明顯暗沉。

《寶貝兒》成功入圍今屆西班牙聖塞瓦斯蒂安國際電影節嘅主競賽單元，日前佢就同導演劉傑，以及男主角郭京飛去西班牙出席首映禮。身處異地嘅楊冪，緊係唔少得影返啲靚相啦！楊冪工作室就喺微博post咗幾張靚相，相中見到楊冪著住白色洋裝，加上大波浪捲髮，真係好有歐美風情。再加上cool到爆嘅表情，真係好pure好true。

隨即網上就流出一組楊冪未P圖嘅相，見到佢個樣有啲殘。除咗清楚見到佢臉上嘅皺紋，膚質都好似差咗好多，睇落係老咗。

唔少網民紛紛留言：「無修圖還是美的，畢竟歲月不饒人嘛」、「也算可以了，只是皮膚狀態沒有那麼好」、「只能說歲月還是留下了痕跡。」

楊冪愛上傳化妝照

人無完美嘅，有邊個唔想畀最靚一面人睇啊?楊冪一向都愛上傳化妝後的自拍照、劇照或出席活動的照片。在照片中看到她的皮膚顯白、眼睛圓大、鼻樑筆直，稱得上是一個美人。

雖然呢啲相應該都執唔少，但都叫正常啲呀！