王歌慧拍劇搏翻身 《棟仁的時光》演詩詠好姊妹
廣告
現正熱播的無綫劇《棟仁的時光》中，程敏琦(唐詩詠飾)身邊老是常出現一位好友，佢係王歌慧(Emily)飾演嘅律師江雪凝，原來Emily曾在黎明旗下做歌手，06年她已經簽約A Music的她只出過兩首歌，以及拍過三套港視劇，一直半紅不黑，直到2015年才轉投無綫懷抱。除了有份主持MV節目《無間音樂》同《今日VIP》，仲先後拍下《我瞞結婚了》和《心理追兇 Mind Hunter》，雖然都只係小角色，但總算有不少對白和戲分，經常被安排在女一身邊出現，有望成功搏翻身！
撰文：東方新地｜圖片：新傳媒圖片
王歌慧 自覺唱歌難聽
無綫劇《棟仁的時光》中，王歌慧(Emily)飾演嘅律師江雪凝，是程敏琦(唐詩詠飾)的好友，Emily在劇中都幾搶鏡！現年27歲、擁有33C身材的王歌慧，出生在杭州，曾就讀協同國際學校，並於公開大學修讀經濟學系。在06年16歲時她巧遇黎天王，獲簽入A Music，初時諗住做歌手，點知佢自己同黎明都覺得佢唱歌難聽又冇天份，所以只係出咗兩首歌，就冇晒下文。
未成功 幸有父幹
之後王歌慧曾經轉型做o靚模，又自掏腰包到北京學演戲，但冇工開就冇收入，多年來王歌慧都係靠在內地做生意嘅父親俾錢供養，在A Music八年期間夾夾埋埋用咗屋企五百多萬！不過王歌慧對黎明都冇埋怨，曾經話：「Leon有開解我，佢同我講，每個人都要等，人人都等緊運到，佢都一樣要等。」咁依家拍《我瞞結婚了》多咗咁多出鏡機會，算唔算時來運到？
關鍵詞
棟仁的時光
