35歲梁麗翹激罕晒三點式泳衣　人妻船P完勝三女

文：東方新地　圖：梁麗翹 IG、劉溫馨IG

梁麗翹產女後十年一次

梁麗翹17年同拍拖兩個月金融材俊結婚，同年宣布有喜，產女後只忙主持工作，平時社交平台分享家庭生活點滴比較多。11年港姐出身的梁麗翹，身材向來甚有睇頭，不過嫁人產女後更愈來愈密實，完全被老公私有化。不過日前梁麗翹激罕晒出三點式，立即引來大批網民留言讚索，大叫索媽，梁麗翹留言寫道：「爭取進步，不是完美。 距離我的目標還有一段距離，但我正在努力。」網友見圖爆笑話：「嘩，好少見你咁著。」梁麗翹妙回：「十年一次」，唔知索媽梁麗翹還會抓住夏天的尾巴，再晒多次呢？

梁麗翹船P大戰一分高低

梁麗翹激罕晒水著當日，原來船P還有33歲莊思明、40歲莊思敏同29歲無綫性感小花劉溫馨，人妻梁麗翹撼贏三女，莊思敏同樣已是人妻又是模特兒出身，不過D奶全賴加建而成，莊思明束孖辮、穿鮮艷三點式刻意扮嬌俏，可惜拍落梁麗翹身邊竟然還顯老，而本來條件最佳、近來狀態大勇的劉溫馨，卻因揀錯泳衣，將美胸壓平，被梁麗翹輕易 K.O.，人妻梁麗翹完勝。