腰肢豐滿滲孕味？43歲梁詠琪居然咁樣回應…
廣告
43歲GiGi梁詠琪喺2011年下嫁西班牙籍老公Sergio，並於2015年誕下混血囡囡Sofia。雖然要照顧家庭，但GiGi未有停下工作，唔止搞童裝生意，近日又加盟環球唱片，開始錄新歌籌備新碟。其實自去年舉行演唱會後，GiGi表示會好好休息養好身體打算全力造人，家陣簽埋唱片公司就唔使四圍飛，可以多留香港進行造人大計啦！GiGi雖然暫時未報喜，不過日前跟住老公Sergio、帶埋梁媽媽同囡囡Sofia一家人去街街，fit足咁多年嘅GiGi竟然腰肢豐滿滲出陣陣孕味，未知係又有喜定幸福肥？
撰文：東方新地 圖片：新傳媒圖片 、梁詠琪IG
梁詠琪 腰肢豐滿滲孕味
報喜就等當事人timing啱時親自公布，不過可以見到嘅係，囡囡Sofia眼仔大大腳長長，啱啱滿四歲已經又靚又可愛深得媽咪真傳，拖住爸爸喺商場門外等車，比起明星媽咪GiGi對鏡頭仲敏感，隔住條街都眼仔碌碌望到記者喎，厲害！
剛剛宣布加盟環球唱片，話錄新碟同造人同步進行嘅梁詠琪，日前一家三口帶埋媽媽去行街，見佢腰肢豐滿未知係又有喜定幸福肥。
剛剛滿四歲，由媽媽GiGi悉心打扮嘅Sofia眼大大腳長長，深得媽媽真傳。
三個大人都唔夠Sofia有鏡頭感，隔住馬路都見到記者，仲眼仔碌碌偷偷笑！
Gigi以電影節大使身分出席「第3屆香港童國際電影節暨香港兒童國際電影節嘉年華」活動，對於有孕味一事，她否認有喜，坦言只因經常愛穿鬆身衫：「穿鬆身衫不用節食嘛，不過好矛盾，因為一穿鬆身衫又被人誤會。」講到有冇打算追多BB？Gigi話隨天意安排，她覺得多一個弟妹陪女兒亦是好事，
用咗逆齡app嘅GiGi回到童年look，跟囡囡Sofia十足兩姊妹。
GiGi經常帶Sofia去睇吓畫展出外見識，仲話為女兒會小心過濾工作，太大膽嘅job都唔會做，錫到燶！
