梁詠琪下月開騷｜3歲混血女探班 萌爆扮火車
廣告
梁詠琪(Gigi)今個月4至5號喺紅體舉行一連兩場「好時辰世界巡迴演唱會－香港站」，相隔7年再踏紅館舞台，梁詠琪連日來繼續綵排，西班牙籍老公Sergio近日都有帶同3歲混血囡囡Sofia去探班，萌爆Sofia仲扮火車㖭⋯
撰文 : 東方新地｜圖片：梁詠琪IG
梁詠琪下月開騷 3歲混血女探班
西班牙籍老公Sergio近日都有帶同3歲混血囡囡Sofia去探班打氣，萌爆嘅Sofia仲同媽咪、dancer哥哥姐姐一齊扮火車！
梁詠琪和囡囡扮火車，老公Sergio就負責拍片留念。
梁詠琪為個唱限定TEE宣傳，囡囡都有出鏡！
現定居新加坡嘅靚星媽楊采妮，早前為一對雙胞胎兒子Ignatius同Aloysius 搞1歲生日派對，好姊妹梁詠琪、李心潔、許茹芸帶埋仔女同老公飛去新加坡，李心潔事後都有喺fb貼圖兼留言，佢話：「兩位小兄弟提早慶生，難得讓我們有機會從四方八面飛來相聚。感動，愉快，歡樂的時光真美好。」
而梁詠琪就留言話：「采妮的一對小兄弟出生後，我們4個姊妹們第一次難得這麼人齊的都帶著另一半和小孩，聚在一齊為小兄弟們提早慶生。Sofia面對著4個小弟弟，立刻變大姐姐啦！」
