芬蘭潮什麼｜梁芷珮裸背歎「朱古力Massage」 表情與20年前出土舊照一模一樣

梁芷珮玩 Kiiking時嗌到拆天

梁芷珮先在愛沙尼亞大玩當地熱爆運動 Kiiking，即 360 度盪鞦韆，睇落相當刺激好玩，且只靠膽色無需任何經驗值或技能；自認冇膽的梁芷珮玩 Kiiking時嗌到拆天，最終更失敗收場，非常搞笑。之後梁芷珮介紹愛沙尼亞潮爆酒店，並入住了全愛沙尼亞只此一間的小 朋友主題套房，房內更設有大量 Board Game，非常適合一家大細。

梁芷珮做「朱古力 Massage」

參觀完別具特色的酒店房後，梁芷珮便去體驗該酒店的主打「朱古力Massage」，梁芷珮邊享受邊指用朱古力醬按摩的好處，除了聞着香甜的味道會感到特別開心外，更特別適合皮膚乾燥的朋友。

梁芷珮浴巾披身歎芬蘭浴

完成愛沙尼亞的行程後，梁芷珮回到芬蘭最古老城市圖爾庫，並入住擁有全世界最大傳統芬蘭煙燻桑拿的度假村，煙熏桑拿與熱石桑拿最大不同，是煙熏桑拿溫度較高、受熱亦較均勻，享用包保由頭暖到落腳；而桑拿木房內的設備亦非常原始，椅子及樓梯全用木造，感覺既天然又有 Feel！此外，梁芷珮還會帶大家參觀芬蘭最舊最大最長的教堂、芬蘭歷史 第二悠久的美食廣場、以及最新潮景點-監獄。該監獄於 2007 年時已經停用，現已改建成高尚住宅，內裏還有餐廳、Cafe 及不同的商店，在那裏消磨時間感覺甚Chill。最後梁芷珮還預告下個《潮什麼》系列將會玩轉克羅地亞，令人相當期待！

梁芷珮20年前出道早過周秀娜

其實現時梁芷珮早於20年前已經出道做旅遊雜誌𡃁模，早過周秀娜入行，不過兩年後就結婚，誕下三個小朋友長年以嚟一直專心相夫教子。直至近年才轉型繼續做旅行KOL，憑《潮什麼》系列人氣急升，被封「人妻女神」。

睇返當年佢嘅模特兒相片：

睇返佢之前嘅行程：

梁芷珮一張船飛去勻三個國家

為幫忙大家解決疫情期間「堆壓」多時的旅行欲，Christy 繼續帶大家眼睛去旅行，繼上年冰島之旅後再踏足鄰近的芬蘭，更只靠一張機票沿住芬蘭玩足幾個國家！今輯首站會先 去芬蘭北部的拉普蘭區，玩盡聖誕老人村並入住附近的酒店捕捉極光；第二站，會由芬蘭 「行」去瑞典，而且全程快到你唔信；第三站，Christy 會坐豪華郵輪去東歐的愛沙尼亞， 參觀世界文化遺產舊城區；最後一站則會返回芬蘭的周邊城市，體驗當地人最愛的本地遊。

首集 Christy 先走訪芬蘭拉普蘭區的聖誕老人村，並專誠設計了為期「3 日 2 夜」的懶人 包，教大家如何盡情玩轉聖誕老人村及周邊配套。Christy 除了開心 Share 主題公園 Santa Park 至潮至好玩指南外，還特地走訪聖誕老人辦公室！

梁芷珮將化身Husky 「馴犬師」

第二集重點內容，則在充滿治癒感的小動物上。Christy 除了做狗義工照顧可愛又溫順的 Husky 外，更大玩大家可能聞所未聞的動物版密室逃脫，在不斷解謎的同時，亦可順道享 受被眾多小動物包圍的滋味。另外 Christy 還帶大家去到芬蘭與瑞典的交界，示範如何以 「一步之遙」由一個國家踏足另一個國家，非常特別。

梁芷珮結婚18周年雪地放閃

除了有新節目啟播，原來梁芷珮剛剛與老公結婚18周年，日前更在IG分享與老公的雪地合照放閃，寫道：「18年前嘅今日，我好愛佢所以嫁比佢。18年後嘅今日，我更加超愛佢，所以去到邊到黐住佢！雖然今年結婚18周年要喺檢疫中渡過，但只要有老公喺身邊，邊度過都冇所謂啦！Happy 18th anniversary! Love u Lo Kung!!!!」

廣告商與梁芷珮「劃清界線」

去年梁芷珮應廣告商邀請進行直播，但卻惹來不少「反TVB」網民留言攻擊，而廣告商竟與梁芷珮「劃清界線」，梁芷珮又發了千字文回應網友！話說廣告商於2021年5月25日請了TVB藝人梁芷珮開直播，卻惹來不少「反TVB」網民留言攻擊。該廣告商上年11月已經找過梁芷珮直播宣傳一次，今次是第二次。不過該廣告商於去年已將梁芷珮「劃清界線」，將所有相關貼文及影片刪除。

梁芷珮廣告接不停手 三名子女就讀國際學校

梁芷珮形象討好，就算沒有旅遊節目出街，不過廣告仍是接不停手。有指單是廣告收入已經過百萬港元，相當犀利。另外，他加上三名子女就讀國際學校，經濟壓力下，自然努力工作吸錢。

發千字文回應網友：劏房都住過

面對被攻擊，梁芷珮發了千字文回應，她一開始提到感激一班支持她的粉絲：「首先我好想喺到多謝喜歡我，follow我嘅粉絲，一個普通嘅師奶仔可以儲到十幾萬粉絲，我已經好滿足，好開心，能夠有今日嘅成績，我真係好感恩，我係一個好勤力嘅人，因為我嘅人生唔係為我自己一個人而活，而係為咗屋企三個小朋友，我唔係來自一個有錢嘅家庭，20歳嫁咗人，老公當年亦都係一個普通嘅20歲o靚仔，當年啱啱加拿大返嚟，我哋冇靠屋企人，未搵到工又冇地方住，劏房都住過。」

梁芷珮：希望各位高抬貴手

最後她提到希望各位高抬貴手：「好感恩呢幾年可以幫公司拍旅遊節目，多人認識咗，多咗好多KOL嘅工作，收入穩定咗，就可以比到更穩定嘅生活三位小朋友，我哋每日都好努力咁工作…希望各位高抬貴手，唔好因為我來自邊到，喺邊間公司做嘢而抹煞我嘅工作機會，我只係一個努力工作，賺錢養大仔女嘅媽媽，世界上每一個父母都係咁，你哋如果唔鍾意一樣嘢，其實真係可以唔睇或者直接block咗我，然後follow返你地喜歡嘅嘢，我個人好簡單，有嘢就做，有工就開，大家開心，簡簡單單就得㗎喇。」