梁烈唯新一年宣布改名 網民即刻取笑新名！
撰文：東方新地、Louis｜圖片來源：Instagram、微博、lihkg
梁烈唯宣布改名
其實每到新一年，大家多少都期許在一年做點改變，而梁烈唯就身體力行去改個名先，並在社交平台貼文寫道：「#再見2018# 2019年，讀書的，學業進步！高考大成功！工作的，事事順利！樣樣稱心！做生意，鴻圖大展！生意興隆！梁競徽敬賀！ 」不過大家一時三刻未必習慣喇，畢竟大家平時都叫開「唯唯」，但無論如何大家以後請叫佢「梁競徽」！
網民即刻取笑
雖然梁競徽未有回應改名的原因，以往也有不少藝人想改名轉運，但相信他這次改名決心都幾大，事關他連ig名都改埋做「king_fai326」。不過想像力豐富的網民又怎會放過人稱負評王的梁烈唯，更笑稱梁競徽是「梁勁廢」！
雖則新名有什麼寓意大家就暫時不得而知，但從字面上看，「競」有競爭，競賽的意思，而「徽」在《爾雅·釋詁》中就有善的意思，所以自古以來都廣受帝王喜愛，例如唐高宗在位期間第一個年號就是「永徵」有永遠美好之意，而北宋最後一任皇帝的廟號就是「徽宗」。由此可見，睇嚟「徽徽」對未來應該有非常大的寄望！
延伸閱讀：
梁烈唯獲最佳男配角惹民憤
有負皮王之稱嘅梁烈唯憑《是咁的，法官閣下》拎「最佳男配角」，巴打當然就唔滿意啦！先唔講佢本人唔受巴打歡迎外，網民都一致認為其他對手比佢更值得拎獎，好似喺《跳躍生命線》飾演雄哥張彥博同喺《BB來了》飾演葉致遠嘅徐榮等，都係最佳男配角嘅大熱之選！
巴打話再唔係個獎俾伍允龍仲好，就算都無咩演技，但起碼人地好落力埋身肉搏！
梁烈唯被爆執二攤演律師
《是咁的、法官閣下》首播反應唔錯，劇情貼地講出法律系出身嘅學生，一步步成為社會上嘅律師同大律師都可能只係表面風光，實際未必如普羅大眾所想咁高搵錢力同咁易做！
除咗劇情夠貼地，選角亦同樣有被網民大讚，以香港先生黎振燁為例，高大靚仔唔在講，而且仲勝在夠生面口，成功為觀眾帶嚟新鮮感！
除咗有新人演員黎振燁，劇中仲有大家都非常熟識嘅麥明詩（Louisa）。眾所周知，Louisa本身就讀法律系出身，所以搵番佢嚟扮演律師就話都冇咁啱，一樣咁配合。
42吋胸肌型男點解唔拍？
然而，梁烈唯扮古惑仔就睇得多，但扮演律師呢啲專業人士就未免好多觀眾都睇唔慣！而且，有網友更批評唯唯望落點睇都唔似個做律師嘅人，加上佢喺劇中性格輕佻，難免唯唯就用番一慣演古惑仔嘅套路嚟演出！雖然如此，有傳聞指唯唯本身唔係呢個角色嘅第一人選，反而係呢位大隻型男魏焌皓主演先啱！魏焌皓之前就試過喺《使徒行者２》飾演警察，望落都幾正氣嫁！
可惜，之前有傳魏焌皓因行為不當，疑似鹹豬嘴TVB一名女星，所以4月已經被TVB解約。雖然未知唯唯後來頂上呢件事屬真屬假，但可以肯定嘅係大局已定，大家都係繼續煲劇啦！
