恢復自由身周圍飛！梁朝偉孖葉童夫婦北海道滑水
撰文：東方新地｜圖片：新傳媒圖片庫、梁朝偉FB、劉嘉玲IG、陳國熹微博
梁朝偉 享受生活
偉仔近年愛上揚帆出海，醉心參加帆船運動，五月首度出賽，已經奪得維港春季帆船賽亞軍，又代表香港出戰東歐帆船比賽，玩帆船玩到入型入格；加上向來愛到日本滑雪的偉仔，亦嚮往體驗日本生活，唔想再耽誤時間，決定放慢工作步伐享受人生。睇嚟，減產後偉仔生活仍然多姿多釆。
Happy birthday 🎂 🥂💕
Carina Lau/劉嘉玲（@carinalau1208）分享的貼文 於 張貼
除咗帆船運動，偉仔都好鍾意出海滑水，日前老婆劉嘉玲在個人社交網上載老公梁朝偉攞住滑板行出沙灘的背影相，網民紛紛留言大讚影帝好型仔。
Surfing day🏄🏻♂️
Carina Lau/劉嘉玲（@carinalau1208）分享的貼文 於 張貼
日前就見佢同葉童及陳國熹夫婦飛咗去北海道，原來當地正舉辦緊一連兩日嘅戶外LOVE TOYA嘉年華。
嘉年華喺一大片草原上舉行，有表演睇仲有攤位買嘢食，並且可以喺草地上露營。
仲有羊咩咩！
雖然老婆劉嘉玲冇同行，但睇嚟偉仔同葉童夫婦一行三人都玩得好開心，著住一身滑水裝嘅偉仔，身形睇落好似發福咗啲。
但一對電眼依然煞食！
而老婆劉嘉玲日前就飛到北京出席電影嘅首映活動。
#电影阿修罗 首映記者會📸
Carina Lau/劉嘉玲（@carinalau1208）分享的貼文 於 張貼
得閒仲會做吓瑜伽㖭！
It’s time for Pilates
Carina Lau/劉嘉玲（@carinalau1208）分享的貼文 於 張貼
梁朝偉甩王家衛做自己
踏入56歲，梁朝偉作出人生重大決定，結束同澤東電影的20年合作，為開始人生新里程決定回復自由身。據知情者透露：「同王家衛合作咗咁多年，點會冇人同偉仔招過手想撬佢過檔吖！但偉仔份人好長情，鍾意同熟人合作，同埋鍾意慣咗嘅合作模式，唔想有太多變動，今次作出呢個決定，佢真係諗咗好耐，最重要係，佢已經唔想再畀合約束縛，以後想放多啲時間做自己鍾意嘅嘢，始終拍戲忙忙碌碌咁多年，佢想過番啲簡單平凡嘅生活。」
就連暫代偉仔經理人的劉嘉玲，亦坦然老公未來工作計劃不多：「我唔係經理人，係佢聯絡人，佢啲嘢好簡單，佢冇乜嘢做！生活也好，工作也好，兩樣嘢我都會照顧佢，出發點都係為佢好！」問到會否叫老公偉仔多接工作，她更一口否定：「唔會！我會收埋佢！如果遇到適合嘅工作，我先會游說佢。」正如嘉玲所說，同偉仔相處30年，她最清楚老公的脾性，當然最明白偉仔減產決定事在必行，自己亦全面配合！
實現運動員夢想
入行36年，曾經五度封金像影帝的梁朝偉，2000年更憑《花樣年華》攞埋康城影帝，演技早已毋庸置疑，但除咗有演藝細胞，偉仔的運動細胞同樣卓越，原來一早是運動健將的他，無論玩溜冰、滑水以至滑雪，都好快上手兼玩得出色，連嘉玲都話偉仔是「演戲耽誤他做運動員」。
據知情者透露，多年來致力拍電影的偉仔，希望趁壯健仍有魄力時，實現自己的運動員夢想。「以前佢好鍾意滑水，一有時間就會出海，佢好鍾意大海一望無際嘅感覺，老婆劉嘉玲為咗陪佢，都花咗好多時間去學滑水。近年偉仔仲愛上咗玩帆船，識咗一班玩帆船嘅朋友，成日約埋揚帆出海！其實偉仔細個嘅時候，曾經諗過做運動員，但後尾入咗行拍戲，就放低咗呢個夢想，班朋友見佢玩帆船咁有天份，就鼓勵佢出賽實現自己做運動員嘅夢想，參加咗兩次比賽之後，佢直頭上晒癮！」
影帝獎項得來不易，偉仔以往鍾意觀摩別人演技，知己知彼百戰百勝，早前全副精神出戰帆船比賽的他，就這樣表示：「希望可以從經驗豐富嘅專業船員身上學習到，令自己得以提升，可以更加享受帆船嘅樂趣。」似乎人生目標，亦已經由電影轉移到帆船比賽上。
低調撳錢
完成上部電影《風再起時》，偉仔已經休息了近半年時間，農曆年前後飛去日本北海道滑雪後，5月完成兩個香港和東歐帆船比賽，早前又人在東京享受人生，足跡遍日本的他，早前返港就一個人揸住3百萬Benz跑戰車出動，去金鐘太古廣場撳錢。講到明要享受平凡，當日偉仔就全程戴住口罩，唔想畀人認出，同普通市民一齊排隊等撳錢時，的確冇人發現企在自己身旁的人，正是影帝梁朝偉，最低調影帝，非偉仔莫屬！
猛料影帝
梁朝偉與王家衛淵源甚深，90年拍畢電影《阿飛正傳》後，98年偉仔正式簽約王家衛的澤東電影任經理人，先後五度封電影金像獎影帝的他，當中四部攞獎電影《重慶森林》、《春光乍洩》、《花樣年華》以及《2046》都係同王家衛合作，2000年更憑《花樣年華》做埋康城影帝。
內地票房20億
梁朝偉主演的《捉妖記2》，在內地票房超過20億，據知偉仔已答應接拍《捉妖記3》！
今年初完成跟郭富城合作的電影《風再起時》，偉仔就一直放假享受生活，至今仍未埋位工作。
飛台撐老友
今年四月，張學友在台北小巨蛋舉行巡迴演唱會尾站，偉仔同嘉玲就聯同大班圈中好友一齊飛台捧老友場，由台前影到入後台。
足跡遍日本
農曆年前單拖到二世古滑雪期間，同一班日本人在居酒屋把酒言談甚歡，偉仔融入日本人堆中表現雀躍！出遊日本明顯心情勁靚。
鍾意滑雪嘅偉仔，每年都會去幾次日本滑雪，農曆年與老婆劉嘉玲再去北海道二世古滑雪，遇見同去滑雪的陳奕迅夫婦。
曾在表參道畀fans捕獲。
早前在銀座再被捕獲，偉仔亦任影唔嬲，毫無巨星架子！
梁朝偉出戰匈牙利！參加歐洲帆船比賽
影帝梁朝偉演技早獲中外電影界嘅肯定，一向係國際電影展嘅常客，估唔到偉仔除咗對演戲有熱情，對做運動方面都一樣，近來偉仔愛上玩帆船，不但作娛樂嗜好咁簡單，早前仲同隊友一齊參加喺香港維港舉行嘅春季帆船賽事！
偉仔比賽當日有達四百人、九十艘帆船一同在維港競賽，偉仔第一次參加維港賽事，佢同隊友嘅船DAVINLOONG喺參賽組別勇奪亞軍，勁威水！
偉仔原來接觸呢項運動只係一年多，近日更再下一城，遠赴匈牙利參加歐洲帆船賽，佢話名次不重要，希望可以藉呢個難得機會，喺專業隊友及國際級嘅船員對手身上偷師，令自己升呢咁話！
偉仔又透露舊年本來已報名參加瑞士一個帆船賽，但為拍攝電影《風再起時》要苦練彈鋼琴，最後被迫放棄參賽！
偉仔話自細喜愛海同大自然，更一直有學船嘅念頭，對帆船更是一玩鍾情，因為帆船不用機器驅動，係融入大自然嘅雙向互動，而且在其中更覺得好悠閒寧靜，可以減壓。
偉仔話唔介意名次，旨在喺專業船員身上學嘢同累積經驗，最後攞埋亞軍，勁！
