賣甜品賺過億！梁思浩 進駐千萬獨立屋
今年初，他 以近千萬買入西貢早禾坑兩層連天台獨立屋做安樂窩，早前他同友人到新居睇裝修，興奮得手指 指向友人介紹四周環境，買得心頭愛，特別興奮！
撰文：東方新地 圖片：新傳媒圖片
梁思浩 四度中六合彩
近日無綫深宵重播由黃日華溫兆倫主演的經典神劇《義不容情》，令觀眾集體回憶返晒嚟，當年有份參與演出的梁思浩，同觀眾一 樣晚晚追，不時在微博放相自娛，似乎對演出充滿懷念。已經十多年冇再拍劇的他，近年主要幫亞視及有線做主持，以及主理甜品生意，賣甜 品賣到身家暴漲，又聲稱曾中過四次六合彩二獎，果然一世夠運！
參演神劇
深宵重播神劇的《義不容情》， 梁思浩亦有份演出，他比觀眾更緊張晚晚追看。
泊亞視碼頭
雖然生意賺大錢，但梁思浩仍眷戀幕前工作，近期就同朱慧珊為亞視主持《香港狙擊搜》。
04年被無綫裁員裁走，梁思浩怕演藝生命從此結束，的起心肝計劃 未來，同聰哥合作投資第一間甜品店，因為設計出唔少創新甜品，為他 賺到第一桶金，三年前他更同合夥人聰哥，將甜品店的內地和澳門經營 權出售，內地經營權由內地擁有二百多間食肆的上市公司小南國集團以 一億元奪得，澳門的經營權則由四太何梁安琪收歸旗下，梁思浩因此而大豐收。
三年前出售「聰嫂」甜品店內地及澳門 經營權賺過億，但梁思浩至今仍繼續 有份投資兩地的甜品店，不過就由大 股東變小股東，繼續有錢分！
有生意頭腦
賺到錢，口氣亦唔同晒，他曾諷刺當年裁走他的陳志雲，表示「莫欺少年窮」，據知情者透露：「佢成日都話好多謝陳志雲，冇佢自己都冇 今日喎！嗰時佢被裁走，真係好徬徨，仲擔心從此演藝生命就咁結 束，所以決定投資搞甜品生意，不過，佢真係好有生意頭腦，識得搵香 港電台餐廳老闆聰哥一齊合作，聰哥聰嫂出名整嘢食叻，佢哋諗好多創 新嘅甜品款式，又好緊張控制食品品質，甜品店做到街知巷聞，思浩亦 唔會單係自己搞，更開始同大財團傾收購，依家有大財團Backup，經營 權佢又賺一大筆，可以話賺到盡！」
帶友人睇樓
梁思浩早前同友人到新居睇裝修，只見他 手指指同友人介紹四周環境以及新居間隔。
向來鍾情住西貢村屋的梁思浩，今年初以近千萬買入西貢早禾坑一 幢兩層連天台獨立屋，作為自己的安樂窩，更將獨立屋大翻新，在天台 和露台都種了不少植物，早前，他同友人到新居睇裝修，只見他由天 台、露台慢慢睇到落地下，手指指同友人研究四周圍環境，明顯對新居 設計非常滿意，急住同友人分享！
2,000呎新居
三年前將甜品店內地及澳門的經營權出售，為梁思浩帶來過億進帳，他開始投資買磚頭，年初以近千萬買入西貢早禾坑一個兩 層連天台獨立屋，作為自己安樂窩！新居連天台露台接近二千呎，一個人住的確幾享受！
監察裝修
早前獨立屋裝修完工，梁思浩即急不及待帶友 人睇裝修，當日就見有菲傭姐姐在屋內執拾。
招呼好友BBQ
新居地方夠大，他不時招呼好友到來 BBQ。
房間一整排玻璃對正露 台，每天睡醒就可以看到屋 外植物，心情特別開朗！
揸舊Benz
即使身家暴漲，梁思浩依然揸緊早年購入的Benz房車，絕對唔係大花筒。
