查小欣斥《ERROR自肥企画》低俗 狠批ViuTV應要有社會責任 193開live回應一句KO
編輯：東方新地｜原文：新Monday｜圖片來源：《ERROR自肥企画》截圖、查小欣娛樂專欄、查小欣Facebook
《ERROR自肥企画》掀熱潮 觀眾晚晚狂追
由4人男子組合ERROR聯同幕後「無制限OT編集団」「格仔導演」Mike導（劉諾衡）、撰稿阿暉（麥可暉）、導演Agent. L（曹梓冲）、助理導演Sunny（方震揚／Rain. P）等所炮製出的新節目《ERROR自肥企画》，由於遊戲尺度大膽，再加上ERROR 經常在節目中做出爆笑行為，令節目大受歡迎，ERROR四子更人氣急升。
查小欣平時只看MyTV SUPER
娛樂專欄作家查小欣日前就在一娛樂專欄中以「ViuTV的社會責任」為題，在文初先指自己由於十分繁忙，經常早出晚歸，回到家中也只是「夠時間去MyTV SUPER追TVB兩綫劇《伙記辦大事》和《逆天奇案》」，後來因朋友介紹而收看ViuTV《ERROR自肥企画》。查小欣在專欄中斥《ERROR自肥企画》節目大玩低俗、不雅的內容。
查小欣斥《ERROR自肥企画》打格仔只為噱頭
查小欣指觀看《ERROR自肥企画》過後，她在文中直斥「節目被形容為綜藝搞笑，但糖衣包裹着的是大玩低俗、不雅的內容，有些畫面更打了格仔，節目列明為『M成人觀眾』類別，可能只是噱頭，為吸睛的包裝手法，真實未必有三級鏡頭，但有不良意識之嫌。」
查小欣批ViuTV應負社會責任
查小欣又在文中指出，作為一間免費電視台就有一定的社會責任，仲反問：「經常向廣管局投訴電視節目低俗、玩過界、有植入廣告的電視迷，為何沒反應？是出於包容？有雙重標準？還是沒看這節目？」
193開live寸爆查小欣：「佢個人先不良﹗」
查小欣公開狠批《ERROR自肥企画》低俗、意識不良，193郭嘉駿日前開live回應查小欣指控時不忘爆金句。193反指查小欣冇睇過節目唔好亂批評，「其實佢冇睇過節目就批評人意識不良，查實佢個人先係不良」，193繼續爆seed，揶揄對方當年主持無綫節目《爆足一周》畀腰斬，「起碼ERROR節目冇腰斬過，點解佢嘅節目會畀人腰斬嘅？」暗寸當年《爆足一周》因劣評如潮，播出四集便被腰斬。
193：「我個live咁低俗要畀腰斬﹗」
直播接近尾聲，193多謝公司、花姐、廣告客戶等，又笑言如果不是ViuTV執佢返嚟「我可能去咗隔籬台，返工第一日就被人雪藏」，193又多謝「黐X線公司」，佢話：「喺我Live冇『嘟』，哎呀，一陣又畀查小欣嗰啲話咩低俗，唉，咁低俗我個live要被人腰斬﹗」寸到應一應﹗
查小欣是演唱會常客。
《ERROR自肥企画》搞笑之餘講生態保育
查小欣指ViuTV製作節目應該要有社會責任，網民指查小欣一定冇好好睇《ERROR自肥企画》，第十集中，Mike導指自己好鍾意海豚，故搵來女神陳欣妍一起出海尋找中華白海豚，重點講出人類與動物可以共存之道理「專家嘅立場係人類最好同動物永遠唔好接觸、保持距離，但大家一齊生活喺度。」
Mike導自肥搵來女神陳欣妍一起出海睇海豚。
網友：有啲人係要借人上位博見報
查小欣的專欄一出，有網友即在討論區開帖討論：「觀眾嘅眼睛係雪亮嘅，唔駛理啲X人講野，有啲人係要借人上位博見報」、「全世界都借error去刷存在感，error成功娛樂到觀眾仲幫到嘅霉嘅人搵話題」、「明眼人都知佢係過咗氣㗎啦，人做狗仔隊佢做狗仔隊，好心佢學下盧覓雪啦」
