林芊妤胎教影響強勁 超聲波相見BB做瑜伽
廣告
藝人林芊妤（Coffee）喺5月頭，先向大家宣布懷孕，成為準媽媽。近日，Coffee就分享咗一張BB超聲波相，相中可見bb而家得4個月左右大，但就已經似足媽咪一樣，識做瑜伽！睇到一眾網民都噴噴稱奇！
撰文：東方新地｜圖片：林芊妤instagram
林芊妤胎教影響強勁
就喺稍早前，Coffee喺個人社交網上載咗張BB超聲波相，可能媽咪胎教太有效，令到bb喺媽咪肚入面都識得做瑜伽！喺相中見到，就算bb而家只得4個幾月大，但就已經腳仔長長，仲要做出一個類似「打關斗」嘅姿勢，真係遺傳哂媽咪熱愛做瑜伽嘅基因！
林芊妤陀B仔
Coffee之前接受傳媒訪問，表示今次雖然係意外懷孕，不過佢自己同準老公都好開心，雙方家人都好高興。Coffee預產期為11月，而且已經知道BB係男仔，不過佢就話自己鍾意女仔多啲！
大肚教瑜伽
Coffee一向喺社交網站十分活躍，經常上載靚相大晒弗爆身材，之前佢戴住口罩自拍，表示病咗仍繼續教瑜伽班，難怪bb都一樣咁勤力，而家喺肚都會同媽咪一齊做瑜伽。
