林敏驄演唱會|鍾鎮濤做嘉賓帶傷上台仆倒 林敏驄笑爆:可能佢跪拜我
鍾鎮濤帶傷上台仆倒
林敏驄出道40週年的演唱會在昨晚舉行首場,嘉賓陣容星光熠熠,更邀請到鍾鎮濤擔任壓軸嘉賓,兩人在台上合唱譚詠麟名曲《愛在深秋》。當兩人合唱完,鍾鎮濤向台下觀眾鞠躬後準備離開舞台時,突然不小心失平衡,一下子仆在台上並且雙膝跪地,嚇到一班觀眾同林敏驄都即刻「哇哇」聲咁叫出嚟。
![林敏驄 鍾鎮濤向台下觀眾鞠躬後準備離開舞台時,突然不小心失平衡](https://imgs.orientalsunday.hk/wp-content/uploads/2023/03/-3-17-screenshot_687345810641690354a59e.png)
林敏驄笑爆扶起鍾鎮濤:可能佢跪拜我
林敏驄事後馬上走上前,但當然亦唔放過取笑老友的機會,即刻話:「我喺呢邊,做乜拜嗰邊?」,並且在訪問中取笑對方:「可能佢跪拜我,畀咗啲好歌佢唱」。鍾鎮濤事後向傳媒解釋本身膝頭帶傷,因為喺台上太興奮,搞到跳多兩下就失平衡,表示要令大家擔心感到唔好意思。
![林敏驄 鍾鎮濤擔任林敏驄演唱會壓軸嘉賓。](https://imgs.orientalsunday.hk/wp-content/uploads/2023/03/180323-121_324794616416857c161e1-1024x683.png)
林敏驄全場瘋狂揶揄譚詠麟冇做嘉賓:無人想聽
此外,早前因為譚詠麟在《中年好聲音》中大爆林敏驄為《忘不了你》作詞的趣事,有睇節目嘅林敏驄即刻嬲爆發文怒罵。雖然林敏驄為譚詠麟寫過多首名曲,但昨晚譚詠麟竟然未有到場擔任嘉賓,林敏驄亦於演唱會現場不停揶揄譚詠麟。當嘉賓之一的小肥唱到譚詠麟的名曲《愛的根源》與《霧之戀》時,林敏驄不但大讚小肥唱得好過譚詠麟,仲問台下觀眾有冇人想睇譚詠麟唱歌,不過台下一片寧靜毫無反應,林敏驄即刻就話:「我哋啲觀眾真係有品味,無人想聽。」
![林敏驄 嘉賓之一的小肥昨晚唱出譚詠麟的名曲《愛的根源》與《霧之戀》](https://imgs.orientalsunday.hk/wp-content/uploads/2023/03/180323-69_498448216416856185f06-1024x683.png)
郭柏妍魔音再現 笑爆全場
今次林敏驄演唱會亦邀請到《下流上車族》的「車氏一家」擔任嘉賓,為了一脫「魔音」污名的郭柏妍在演唱會前勤力練歌,不過就好似效果麻麻,在演唱《跳舞街》的時候,郭柏妍依然繼續「魔音」,搞到林敏驄都忍唔住調侃道:「哎呀死得啦」,笑爆全場。
![林敏驄 林敏驄演唱會邀請到《下流上車族》的「車氏一家」擔任嘉賓](https://imgs.orientalsunday.hk/wp-content/uploads/2023/03/180323-100_13245266864168567045aa-1024x683.png)
鍾鎮濤仆倒嚇親觀眾!
林敏驄的小朋友對於父母離婚有什麼行動?
在父母離異後,跟隨母親陳伶俐生活的他,曾經主動鼓勵母親主動去…詳見:林敏驄大仔遺傳爸爸好基因
陳伶俐改嫁新加坡富豪後,居山頂億半豪宅?
陳伶俐婚後搬入夫家位於山頂富豪級地段的布力徑獨立屋,屋內面積達三千呎、全海景花園超過千呎,以市值計算,物業價值超過億半。點擊即睇:豪宅室內圖