林敏驄手多調戲巨胸翠如：係唔開心！

Q: 林敏驄的小朋友對於父母離婚有什麼行動？

在父母離異後，跟隨母親陳伶俐生活的他，曾經主動鼓勵母親主動去... 詳見：林敏驄大仔遺傳爸爸好基因

林敏驄做主持狂黐女神

為迎接六月世界盃，ViuTV製作遊戲節目《全民星戰》，喺正無綫最高收視嘅《愛・回家》時段播出對撼，因為節目請到唔少紅人嘉賓坐鎮，播出以來就引起唔少回響。不過，近日就有節目幕後爆料，指節目主持之一林敏驄，向連續擔任兩集嘉賓的巨胸翠如多手調戲，又攞對方35F巨胸來講笑，令對方感覺極不舒服。

林敏驄林敏驄擔任ViuTV遊戲節目《全民星戰》主持，鏡頭前後都經常對女藝人手多多，在第七集節目上便向擔任嘉賓的巨胸翠如鄧月平 (右)及談善言左擁右抱，林敏驄搭住兩人肩膊，隻手不時垂低至鄧月平胸上位置，難怪女神嚇到交叉手護胸兼笑唔出。 — 林敏驄擔任ViuTV遊戲節目《全民星戰》主持，鏡頭前後都經常對女藝人手多多，在第七集節目上便向擔任嘉賓的巨胸翠如鄧月平 (右)及談善言左擁右抱，林敏驄搭住兩人肩膊，隻手不時垂低至鄧月平胸上位置，難怪女神嚇到交叉手護胸兼笑唔出。

林敏驄林敏驄突然向巨胸翠如施襲，出手掂對方條腰，更開口調戲：「乜你身材咁得意！」 — 林敏驄突然向巨胸翠如施襲，出手掂對方條腰，更開口調戲：「乜你身材咁得意！」

據知情者透露：「嗰日錄影嘅時候，阿驄一見鄧月平嚟到已經嗒晒糖，全程黐埋去，有幾次更猖狂到將鄧月平攬埋身，又係咁講黃色笑話，鄧月平都唔知點應對，面都紅晒一味傻笑避開佢。但中途我哋見到鄧月平冇晒心機，坐埋一邊悶悶不樂好唔開心咁。」

林敏驄見林敏驄突然直衝向巨胸翠如，另一主持梁漢文眼明手快出手撳住林敏驄隻手。 — 見林敏驄突然直衝向巨胸翠如，另一主持梁漢文眼明手快出手撳住林敏驄隻手。

林敏驄鄧月平即時被嚇到花容失色兜路走避開林敏驄。 — 鄧月平即時被嚇到花容失色兜路走避開林敏驄。

早有前科

其實林敏驄曾經在無綫世界盃節目被指性騷擾阿雪(孫慧雪)，阿雪就曾指控林敏驄：「佢話我個波污糟！」上年出席車展活動林敏驄又出言調戲女神張曦雯，食女藝人豆腐前科一籮籮，今次擔任ViuTV主持，更因為一班主持同幕後大都是新人，冇王管的他更加有恃無恐，除調戲35F巨胸翠如外，對女嘉賓以及女主持黃心美、陳俞希及李昭南一樣唔放過，令班女藝人個個喊驚！」

林敏驄當介紹兩位靚女嘉賓出場時，林敏驄扮晒大哥擺款，不停用手摸鄧月平個頭。 — 當介紹兩位靚女嘉賓出場時，林敏驄扮晒大哥擺款，不停用手摸鄧月平個頭。

林敏驄明明其他人玩緊遊戲，林敏驄卻失驚無神攬住鄧月平向前行。 — 明明其他人玩緊遊戲，林敏驄卻失驚無神攬住鄧月平向前行。

其實每集節目播出之後，fb都有唔少人留言，睇唔過眼鬧爆林敏驄，話佢講鹹濕嘢又騷擾女藝人，低俗當有趣。幕後工作人員爆：「其實班女主持都畀阿驄啲行為嚇親，佢成日借啲意攬埋嚟，開口埋口都講黃色笑話，搞到好尷尬，班女主持個個入廠錄影都提心吊膽，因為佢哋係新人，又唔敢出聲！」

林敏驄林敏驄與梁漢文拍住五位 ViuTV主持黃心美、陳俞希、李昭南、強尼及黃奕晨主持《全民星戰》，不過錄影期間就因為林敏驄經常失控爆肚，連累大家要NG重拍阻遲節目收工，令成隊工作人員怨聲載道。 — 林敏驄與梁漢文拍住五位 ViuTV主持黃心美、陳俞希、李昭南、強尼及黃奕晨主持《全民星戰》，不過錄影期間就因為林敏驄經常失控爆肚，連累大家要NG重拍阻遲節目收工，令成隊工作人員怨聲載道。

林敏驄林敏驄騷擾女藝人早有前科，今次亦恃住做搞笑節目肆無忌憚騷擾參與節目的女藝人，就算個個正正經經影相，他卻成個人挨落陳俞希度，搞到對方縮埋一嚿。 — 林敏驄騷擾女藝人早有前科，今次亦恃住做搞笑節目肆無忌憚騷擾參與節目的女藝人，就算個個正正經經影相，他卻成個人挨落陳俞希度，搞到對方縮埋一嚿。

出手解圍

眼見拍檔林敏驄經常調戲女嘉賓及主持，梁漢文惟有把關出手解圍，私底下亦試過叫阿驄唔好玩得咁癲，據知情者謂：「其實阿驄鍾意口花花撩女仔攞吓便宜，大家都見怪不怪，但作為拍檔阿娘(梁漢文)又唔可以當睇唔到，咪惟有見勢色唔對，就專登走埋阿驄度同佢傾偈，幫啲女仔解圍囉。」

林敏驄節目請來唔少重量級嘉賓坐鎮，當中就有校長譚詠麟及許志安、羅家英、任達華等一班明星足球隊成員輪住撐場，又真係夠吸引。 — 節目請來唔少重量級嘉賓坐鎮，當中就有校長譚詠麟及許志安、羅家英、任達華等一班明星足球隊成員輪住撐場，又真係夠吸引。

女主持聞驄色變幕後嬲到爆

班女主持個個聞驄色變，女嘉賓就更加有苦自己知，原來成班幕後一樣怨聲載道。據有份參與的幕後爆料，就指林敏驄經常失控爆肚亂噏，導致頻頻NG重拍阻遲大家收工。一名幕後工作人員嬲爆說：「個節目每次都要錄兩至三集，時間已經好長，但係阿驄仲成日爆肚亂噏，又突然搞啲女主持，接唔到落去，有啲嘢出唔到街要剪走，累大家要陪佢重拍！搞到節目次次overrun，成組人都好多怨言。」

林敏驄林敏驄對班ViuTV女主持都唔放過，當中就經常多手搞主持之一陳俞希Hailey(中)，更幫對方改埋花名叫「波波池」。 — 林敏驄對班ViuTV女主持都唔放過，當中就經常多手搞主持之一陳俞希Hailey(中)，更幫對方改埋花名叫「波波池」。

想快啲收工

就被調戲一事本刊記者向巨胸翠如鄧月平求證，她承認當日確有唔開心，但就話係另有原因，她謂：「嗰日自己係唔開心！因為錄影中途，自己收到電話，媽咪喺街暈咗入咗醫院，嗰刻好擔心，所以成個人吽晒，其實最想快啲完成節目，可以收工去睇媽咪，可能咁樣啲人就誤會咗！」

林敏驄《全民星戰》播出後，唔少網民留言指控林敏驄騷擾上節目的女嘉賓及主持，言詞激烈。 — 《全民星戰》播出後，唔少網民留言指控林敏驄騷擾上節目的女嘉賓及主持，言詞激烈。

對於在節目內，林敏驄多次乘機攬她，有幕後替她不值，鄧月平就表示自己feel唔到對方有騷擾佢。「佢應該唔係惡意！都係為搞氣氛，為個節目效果！」(但見你經常交叉雙手嚟護住個胸喎？)她就解釋：「我一向保護意識都好強，可能係咁，就成日交叉手，可能佢唔係想非禮我！但我保護意識強，呢個動作令人誤會咗！」至於林敏驄，他就將騷擾女藝人責任賴到監製身上：「係監製搵我嚟搞佢哋！」對於多手調戲鄧月平，他就指和對方好熟：「我本身同佢好熟，所以咪咁玩囉！」究竟係攞正牌搞氣氛定過咗火，明眼人都睇得出！