林作「前度」遍天下？被鬧爆為兜生意不斷消費前度 網民：現任要小心

文：東方新地｜圖：林作IG、鍾培生IG、社交網留言截圖及新傳媒圖片庫

林作：請預約我

林作和鍾培生上周舉行記者會後，有傳媒形容這次記者會上的林作「淡定幽默對答獲讚EQ高」，令網民對他改觀，全篇文章對林作形容都好正面，在該傳媒在社交網上貼出該篇文章後僅約1小時，就引來林作本人親自回應，表示：「很好的總結。謝謝小編。我好似有個前度喺你地度做。同我做朋友吹下水真係會幾開心，請預約我，我喺海港城等你。」

雖然林作明顯在「兜生意」，但網民更加關注他那句「我好似有個前度喺你地度做」，有巴打好羨幕話：「林作都有咁多前度」網友就回應：「證明（林作）真係好識講嘢」。

不過有更多網民狂鬧他「你關於前度嗰句唔講好過講。」、「不斷消費前度。現任嗰個要小心，一日未結婚，一日都有可能成係下一個前度。」、「分咗手就分咗手啦， 唔通我又周圍同人講，你條女係我前度呀？」等等。

也有網民指這篇勁讚林作的文章太似「鱔稿」（有廣告成分的宣傳稿），也有網民話睇唔出小編所講的「加分」位。

林作多次消費前度麥明詩

林作過往曾多次消費作為港姐冠軍的前度麥明詩，一度為維護現任女友裕美，而在社交網發表偉論謂：「裕美真心靚過麥明詩好多，身材也更優勝。素顏顏值也絕對一流。絕非平平無奇，可謂波濤洶湧。今晚乃來當觀眾而已，難道要著到嚟選美咁嗎？」護花撐自己女友絕對是勇夫所為，不過要借踩前任麥明詩去抬舉現任則被指極無品，有傳媒問及麥明詩這事時，她就以八字回應：「唔回應，唔想中圈套！」

林作撻著會考零分裕美斷正

林作現任女友係裕美，兩人的戀情在去年6月正式曝光，但其實早在2018年尾，本刊就曾全程撞破兩人相約在跑馬地撐枱腳，再結伴前往灣仔會友。