《東張西望》食飯時間播高清小強 網民：CLS仲要zoom埋去！
廣告
小強個名雖然可愛，但佢真身「曱甴」可以話係世界最可怕生物，如果識飛，驚嚇度係幾何級數上升！早前TVB《東張西望》報道東涌逸東邨突然勁多小強出沒，仲要入侵埋住宅，嚇到居民有得震冇得瞓！《東張西望》派出主持實地採訪，本身就冇咩問題嘅，不過揀正食晚飯時間播出街，仲要高清影近鏡，搞到觀眾食唔落飯，咩玩法…
原文：環球膠報｜圖片：電視截圖
準備！嚟料！細膽嘅唔好睇！
諗清楚先好睇落去！諗清楚先！
受訪嘅居民話大廈非常咁多小強，試過一層樓有50、60隻！而且隻隻都有一隻手指咁大，佢哋唯有狂噴殺蟲水，但係就搞到屋企門口爆多小強屍體，恐怖過生化襲擊！
[慎入][慎入][慎入]
短短幾分鐘，除咗訪問居民，仲close up影住啲小強同埋佢哋屍體！實在令人極不安！隔夜飯都嘔埋出嚟！
觀眾喺冇預警之下中伏，唯有喺網上狂鬧，表示不滿！同埋話要向有關方面投訴！
關鍵詞
東張西望
