李龍基睹物思人淚灑當場 自爆有異性埋身感情受考驗

李龍基哽咽談愛妻王青霞

李龍基活動後接受傳媒訪問時，除咗分享愛妻為自己製作嘅禮物外，亦透露將會搬去佛山定居，不過就因仍有機會返港工作，因此並未決定未來是否會在香港保留住所。不過李龍基在展示王青霞為其製作嘅泥公仔時睹物思人淚灑當場，要馬國明上前安慰。

而李龍基談及王青霞嘅近況時就頗為激動，更一度哽咽稱：「佢成日都咁講嘅，佢唔喺我嘅身邊，希望我好好照顧自己，我都會盡量唔會令佢失望。」更心痛透露王青霞瘦咗唔少。

李龍基求婚唔打算送貴鑽石

李龍基曾多次表示王青霞出獄後就會迎娶對方，因此昨日出席活動時亦被問到此時。不過對於會準備幾多卡戒指求婚一事，李龍基就表示：「到時整粒蘇聯石（立方氧化鋯的人工合成物，製造過程簡單，價格也更低廉）畀佢算」又稱王青霞「唔係太重視呢啲嘢」、「如果結婚，我相信我送咩佢都唔會介意」

李龍基自爆與愛妻關係受考驗

李龍基又坦言與未婚妻暫時分開是對他們感情的一大考驗，仲自爆有唔少異性想接近自己：「都唔怕講，有好多戲言嘅WhatsApp或者WeChat，（話）既然你的女朋友都唔喺度，我做你女朋友啦。其實對我都係一個考驗嚟。」不過李龍基就表示唔會理會對方，隨後亦透露只收過文字上嘅訊息，並冇收到任何性感照。