李龍基女友Chris上YouTuber訪問即席畫畫求洗白 IG突發文稱受恐嚇
Chris力騷大量還款證據 收恐嚇信決定法律追究
Chris昨日(22日)清空IG照片,竟連同李龍基的相片的del埋,當大家以為「爺孫戀」要玩完時,Chris於1月23日凌晨,上載多張銀行交易紀錄照片、片段以及畢業照,遂點解釋並公布會由法律追究!Chris騷出自己的銀行交易信息,並強調自己毫無遮蓋,而且在全額還款後,給債方額外轉帳的金額早遠超借的很多,希望一直指控佢借錢唔還的人都「光明正大的披露銀行交易紀錄」!最後Chris表示現今仍收到「受到死亡恐嚇和不實指控」,強調所有事情己全部交給法律處理,請大家不要再過度解讀。
Chris po出多張畢業相
關於Chris的學歷方面,Chris都po出多張畢業相,指自己雖然係無民航飛機執照,但係強調「學習民航法通航法的規則是基礎知識!」而且早前有關佢假造學歷一事,係一場誤會,該文件「Grey Eagle Flight Academy/Pacific West Aviation」只係佢用嚟諮詢的報價帳單,但大家錯誤解讀,而真實就讀的學校是PSA。
上爆料YouTuber訪問 即場畫畫!
對於Smart Travel頻道 KOL Tsar Pang瘋狂爆料,李龍基與Chris上埋頻道做訪問,Chris仲即場畫畫,展現自己真係識架,幾分鐘就將主持人畫咗出嚟,主持人奉勸大家唔好再「亂噏」了!Chris表示淘寶個賣家同佢講返原來係佢粉絲嚟,搞到Chris唔知好嬲定好笑了。
![李龍基 女朋友 李龍基](https://imgs.nmplus.hk/wp-content/uploads/2024/01/vs-youtube-2smarttravel-154_18409915965af4ccd0ffe4.jpg)
睇片:
網民唔收貨:小學級畫功 條片真係證明咗佢唔識
對於Chris的即場表演,唔少網民都唔收貨,指似小朋友畫畫多啲「小朋友畫畫」「唔該全程影住佢畫啦!畫得咁差都話靚?」「我3年班既孫女都畫得靚過佢,個鏡頭仲要轉嚟轉去」「佢證明咗佢真係唔識畫畫」「正道啲講句係好過畫火柴人既」「見到佢啲筆跡已知佢9黎」「有玩過少少速寫都知唔應該蹭線」「對,初學畫者未掌握大輪廓,就衝細節,結果要不斷補筆修正,導致線條斷續重複。即場咁樣一畫,反而證明畫者只係初學水平。夠膽即場獻醜,已經離奇;不過更匪夷所思嘅係,個youtuber竟然盲目讚好,護短護到離晒譜,已經完全失去公信力。」
鬧爆主持人轉軚快到追唔到佢車尾燈!
仲有網民質疑主持人係造馬,成個訪問似足洗白大會,而且早前影片先狂踩Chris,呢條片即刻轉晒軚,真係太快到追唔到佢車尾燈!「時間關係,已有一幅畫好左,然後鏡頭一轉閃一下」「對主持人極度失望!究竟佢地比咗幾多錢去收買主持人妳?」「尖銳嘅問題唔再問,同阿基哥9噏」「Tsar Pang 唔簡單,可以轉得咁快!」「洗白大會」「其實主持人妳知唔知自己做緊乜嘢」「好失望 取消訂閱」「一開始係你話佢唔識得畫畫,宜家你又話佢識,自打嘴巴」「支持pang三年未試過今次咁有點失望」「服咗你啦,之前咁樣話佢哋事隔一日可以轉晒面口」「狼狽為奸」「夾埋來呃人,不會再看她視頻」不過都有網民力撐主持人轉數快!