李靜儀聞口罩令解除感興奮 連環發動態分享化妝品 即騷靚樣滿足粉絲
廣告
疫情打擾港人生活咁耐，隨政府正式宣布於3月1日起解除口罩令，極多港人都表示期待，更表示終於回復正常生活！興奮嘅又點只市民，女星李靜儀（Heidi）亦在IG發表限時動態，表示終於唔使將唇膏放埋一邊，似乎對於有得騷靚樣俾人睇，感到相當雀躍！
李靜儀聞口罩令解除感興奮 相當期待騷靚樣滿足粉絲
政府昨日（28日）正式宣布於3月1日起解除口罩令，極多港人都表示期待，連女星李靜儀都不例外！
李靜儀一聞政府解除口罩令的消息，即刻在IG發表限時動態表示：「開心開心，歷時三年，終於唔使強制戴口罩，夏天唔使咁辛苦，啲唇膏又唔使放埋一邊啦」睇嚟李靜儀真係急不及待想除罩，大騷靚樣滿足粉絲咁喎！隨後李靜儀即連發限時動態分享化妝用品及裝容，似乎為咗除罩見大家，已經做足準備執靚自己個樣。
李靜儀無懼寒冷 日本著「JK短裙LooK」好吸睛
李靜儀向來貪靚錫樣，佢早前到了日本遊玩，期間不斷拍片，曬在當地遊玩的美照，其中一段影片李靜儀穿著了日本女子高中生「JK短裙LooK」，展示一雙長腿，雖然平平無奇，但勝在一雙長腿搭救。而李靜儀雖然已經31歲，但女子高中生打扮依然沒有違和感！
李靜儀打扮激似赤木晴子
當時李靜儀去了日本江之島，這個場景便是《男兒當入樽》知名場景之一，Heidi穿上了日本女子高中生的校服，即時令人聯想到她是動漫中的女主角赤木晴子。
李靜儀收埋超過20萬Chanel珍藏
李靜儀除咗貪靚，仲喜歡把自己收藏的Chanel手袋拍片與網民分享，近年活躍於時尚界的李靜儀，已成為YouTube網紅，單靠YT的點擊率收入非常可觀，早前她拍片大晒價值超過20萬的Chanel 手袋，片中見她擁有的款式非常多，相信她早已是Chanel VIP。
李靜儀其他靚相
撰文：東方新地圖片來源：IG@heidibibe、東方新地YouTube截圖
