李若彤拍戲重遇陳浩民 21年後經典螢幕情侶再現

陳浩民李若彤再度合作

日前，陳浩民上載分享自己與新戲同組演員的相，除了留言指新戲會有他與林子聰主演外，還指會有其好友曾志偉及李若彤一齊參與演出。因他與李若彤是繼《天龍八部》後，相隔21年再度合作，呢個組合簡直係經典再現！

陳浩民於個人社交網公開四人同框合照，語嫣同段譽終於喺大陸重遇啦！有網友更非常興奮表示終於見到佢哋同框合照！

由於相中見到李若彤的造型，有網友就猜測她是飾演觀音，而曾志偉則是飾演土地，亦有網友留言表示期待二人演出。

李若彤亦於今日上載同各人的合照，她更表示因曾志偉一個電話，造就了今次演出。相中見李若彤雖然44歲，但個樣完全冇變過，好似食咗防腐劑咁！

其實唔單至李若彤，陳浩民個樣都同21年前冇分別，相信唔少人都想知作哋點解可以keep得咁好！

李若彤同陳浩民呢對多年前的螢幕情侶難得重遇，當然要影張相留念啦！陳浩民就大讚李若彤依然咁靚，仍然係當年的神仙姊姊。相反，李若彤就取笑舊搭檔：「轉眼就是4個孩子的爸」。

睇番《天龍八部》二人的合照，當年李若彤同陳浩民個樣與現在相比，真係冇咩大分別！

1997年版的《天龍八部》中，由黃日華飾演蕭峰，李若彤飾演王語嫣，陳浩民則飾演段譽。

相信唔少人都仲記得，當年二人因此劇，而成為經典螢幕情侶！

當年嘅陳浩民同李若彤分別只係27歲同23歲，轉眼間，大家都已經踏入4字頭。

李若彤在《天龍八部》中的古裝扮相幾靚之餘，亦帶有幾分仙氣！

「姑姑」李若彤早前喺微博貼咗同「過兒」古仔嘅合照，她留言話：「 23年了，感覺…….奧妙。感覺好像才不多久前的事。十六年後在飛機上的一遇，七年後昨晚晚餐才又再遇上，下次會是多少年呢！」

姑姑同過兒在23年後重聚，網友無不感動，好多人都讚佢哋keep得好，而且仲笑話姑姑冇變，但過兒曬黑咗！

李若彤演姑姑都同樣，相當好有仙氣！

關鍵詞