李璨琛:「但可唔可以唔好…」 8個月大囡囡識叫爸爸

撰文：東方新地｜圖片來源：李璨琛IG

李元元識叫爸爸喇！

轉眼間Lucy就嚟9個月大喇，除咗個樣轉變之餘，仲學識叫爸爸！Sam喺Instagram上載嘅一段片段，片入面嘅Lucy不斷嘗試叫個「爸」字，仲整到成面都係口水，真係好得意！而Sam都喺片入面笑佢噴口水：「第一次聽到你叫爸爸的我表示很開心，但可不可以唔噴咁多口水呀Lucy#第一聲爸爸」!

其實Sam自從3月升格做爸爸之後，就經常喺IG同大家share女女嘅成長經過，每張相入面嘅元元都眼仔碌碌，臉豬脹卜卜咁，大受歡迎。

之前，半歲未夠嘅元元俾爸爸李璨琛認為似秦煌，仲上載咗張囡囡近照上網，仲要將秦煌嘅相放近囡囡，等大家可以做個對比。驟眼睇，又好似有幾分相似，唔知秦煌睇到會唔會有意思，想認下元元做契女呢？

太太唔認同似秦煌

雖然老竇就覺得元元睇落似秦煌，但媽咪梁志瑩就有唔同睇法，皆因早幾日母親節，梁志瑩就放咗張元元嘅相上網，並留言話元元個樣都終於冇咁似技安！唔知大家睇完覺得元元似秦煌多啲，定技安多啲呢？

李璨琛首次為囡囡沖涼

早前梁志瑩不單至在社交網上放出一張囡囡的「出浴照」，並用星星圖案遮住囡囡嘅身體，又大爆老公係第一次幫囡囡沖涼咁話。相中可見元元眼定定咁望住爸爸，畫面有趣。

李璨琛囡囡鬼馬吹口哨

其實佢哋兩公婆亦不時上載囡囡的BB相上網，相中睇到元元細細個就已經非常趣致，佢已經識合埋雙眼，口形更好似扮緊吹口哨咁，認真鬼馬～

李璨琛歡喜囡囡

李璨琛嘅囡囡早前出世了，他於Instagram貼上女兒的小手，並宣布「Welcome to this world my sweet！」